QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev Qazaqstanda koronaviýrstan 51 meditsina qyzmetkeri kóz jumǵanyn málim etti, dep habarlaidy QazAqparat.
«Bizdiń málimetke sáikes, 51 meditsina qyzmetkeri kóz jumǵan. Olardyń týǵan-týystary men jaqyndarynyń qaiǵysyna ortaqtasa otyryp, kóńil aitamyz. Memleket basshysymen 13 shildede ómirden ótken áriptesterimiz memlekettik nagradalarmen marapattaldy, 42 meditsina qyzmetkeri marapat aldy. Ótemaqy turǵysynda árbir jaǵdaidy jeke zertteitin tiisti mehanizm bar. Osydan keiin aqparat Densaýlyq saqtaý ministrligine joldanady. Densaýlyq saqtaý ministrligi aqparatty tekserip, málimetterdi Eńbek jáne halyqty áleýmettik qoldaý ministrligine joldaidy. Sodan keiin Memlekettik áleýmettik saqtandyrý qorynan tólem aýdarylady», - dedi Timýr Sultanǵaziev tilshilerdiń suraǵyna bergen jaýabynda.
