Qazaqstanda koronavirýspen qaitadan aýyrǵandar tirkelmedi. Bul týraly QR Densaýlyq saqtaý vitse-ministri Liýdmila Biýrabekova málim etti, dep habarlaidy "Ult aqparat".
«Qazaqstanda koronavirýs infektsiiasyna qaitadan shaldyǵý oqiǵalary tirkelmedi. Álemniń birneshe elinde osyndai jaǵdai anyqtalǵan edi. Bizde mundai jaǵdai tirkelmedi jáne aldaǵy ýaqytta bolmaidy dep úmittenemiz. Degemen virýs óte juqpaly», - dedi vitse- ministr onlain baspasóz máslihatynda.
Onyń aitýynsha, indetten emdelip shyqqandarda turaqty immýnitet túziletini týraly naqty zerttelgen málimetter joq.
Osy oraida ol adam infektsiiany qaitadan juqtyrsa, onda naýqas emdelýge jatqyzylatynyn atap ótti.
