25 sáýirde Qazaqstanda 2716 adamnyń analizinen koronavirýs anyqtaldy. Bul týraly 26 sáýirde tańerteń densaýlyq saqtaý ministrligi habarlady.
Jeksenbi kúni Almatyda 693 adamnyń koronavirýs testi oń shyqqan. Bul respýblika boiynsha bir kún ishinde tirkelgen eń joǵary kórsetkish. Nur-Sultanda – 475, Qaraǵandy oblysynda – 240, Almaty oblysynda – 220, Batys Qazaqstan oblysynda – 166, Aqmola oblysynda – 150, Aqtóbe oblysynda 125 naýqas tirkelgen. Atyraý oblysynda – 97, Shyǵys Qazaqstan oblysynda – 86, Pavlodar oblysynda – 75, Shymkentte – 96, Qyzylorda oblysynda – 82, Jambyl oblysynda – 51, Mańǵystaý oblysynda – 51, Túrkistan oblysynda – 49, Soltústik Qazaqstan oblysynda – 34, Qostanai oblysynda 27 adamnan Covid anyqtalǵan.
2020 jyldyń naýryz aiynan beri Qazaqstanda 309 116 adamnyń koronavirýs testi oń shyqqan. Sodan beri 3570 adam koronavirýstan qaitys bolǵan. 24 sáýirde 20 adam ólimi tirkelgen. Bul statistikaǵa "koronavirýstan emes, basqa aýrýdan qaitys boldy" delingen myńnan astam adam (keminde 1619 adam) ólimi enbei qalǵan.
Qazaqstan úkimeti byltyr tamyzdan bastap analizinen koronavirýs anyqtalmaǵan, biraq aýrý belgileri boiynsha soǵan uqsaityn koronavirýs pnevmoniiasynyń esebin júrgizip keledi. 2020 jyldyń 1 tamyzynan beri 52 459 adamǵa (24 sáýirde 25 naýqas tirkelgen) koronavirýs pnevmoniiasy diagnozy qoiylǵan. 51 myńnan astamy jazylǵan. Pnevmoniianyń osy túri 775 adamnyń ólimine sebep boldy dep aitylady. 24 sáýirde 4 adam sodan qaitys bolǵan.
Qazir 42 549 adam koronavirýstan emdelip jatyr. 42 100-iniń koronavirýs testi oń shyqqan. 769 adamnyń jaǵdaiy aýyr, 179 adamnyń jaǵdaiy óte aýyr. 113 adam jasandy tynys apparatyna qosylǵan.
25 sáýir kúngi málimet boiynsha, 878 myńnan astam adam koronavirýsqa qarsy vaktsinanyń alǵashqy dozasyn alǵan. 26 sáýirden bastap turǵyndarǵa koronavirýsqa qarsy qazaqstandyq QazVac vaktsinasy egile bastaidy.
Amerikalyq Djons Hopkins ýniversitetiniń málimetine qaraǵanda, álemde koronavirýspen tirkelgender sany 146 millionnan asqan. Onyń 3 million 106 myńy qaitys bolǵan. 84 mln 629 myń adam jazylǵan.
