25 سەۋٸردە قازاقستاندا 2716 ادامنىڭ اناليزٸنەن كوروناۆيرۋس انىقتالدى. بۇل تۋرالى 26 سەۋٸردە تاڭەرتەڭ دەنساۋلىق ساقتاۋ مينيسترلٸگٸ حابارلادى.
جەكسەنبٸ كٷنٸ الماتىدا 693 ادامنىڭ كوروناۆيرۋس تەستٸ وڭ شىققان. بۇل رەسپۋبليكا بويىنشا بٸر كٷن ٸشٸندە تٸركەلگەن ەڭ جوعارى كٶرسەتكٸش. نۇر-سۇلتاندا – 475, قاراعاندى وبلىسىندا – 240, الماتى وبلىسىندا – 220, باتىس قازاقستان وبلىسىندا – 166, اقمولا وبلىسىندا – 150, اقتٶبە وبلىسىندا 125 ناۋقاس تٸركەلگەن. اتىراۋ وبلىسىندا – 97, شىعىس قازاقستان وبلىسىندا – 86, پاۆلودار وبلىسىندا – 75, شىمكەنتتە – 96, قىزىلوردا وبلىسىندا – 82, جامبىل وبلىسىندا – 51, ماڭعىستاۋ وبلىسىندا – 51, تٷركٸستان وبلىسىندا – 49, سولتٷستٸك قازاقستان وبلىسىندا – 34, قوستاناي وبلىسىندا 27 ادامنان Covid انىقتالعان.
2020 جىلدىڭ ناۋرىز ايىنان بەرٸ قازاقستاندا 309 116 ادامنىڭ كوروناۆيرۋس تەستٸ وڭ شىققان. سودان بەرٸ 3570 ادام كوروناۆيرۋستان قايتىس بولعان. 24 سەۋٸردە 20 ادام ٶلٸمٸ تٸركەلگەن. بۇل ستاتيستيكاعا "كوروناۆيرۋستان ەمەس, باسقا اۋرۋدان قايتىس بولدى" دەلٸنگەن مىڭنان استام ادام (كەمٸندە 1619 ادام) ٶلٸمٸ ەنبەي قالعان.
قازاقستان ٷكٸمەتٸ بىلتىر تامىزدان باستاپ اناليزٸنەن كوروناۆيرۋس انىقتالماعان, بٸراق اۋرۋ بەلگٸلەرٸ بويىنشا سوعان ۇقسايتىن كوروناۆيرۋس پنەۆمونيياسىنىڭ ەسەبٸن جٷرگٸزٸپ كەلەدٸ. 2020 جىلدىڭ 1 تامىزىنان بەرٸ 52 459 ادامعا (24 سەۋٸردە 25 ناۋقاس تٸركەلگەن) كوروناۆيرۋس پنەۆمونيياسى دياگنوزى قويىلعان. 51 مىڭنان استامى جازىلعان. پنەۆمونييانىڭ وسى تٷرٸ 775 ادامنىڭ ٶلٸمٸنە سەبەپ بولدى دەپ ايتىلادى. 24 سەۋٸردە 4 ادام سودان قايتىس بولعان.
قازٸر 42 549 ادام كوروناۆيرۋستان ەمدەلٸپ جاتىر. 42 100-ٸنٸڭ كوروناۆيرۋس تەستٸ وڭ شىققان. 769 ادامنىڭ جاعدايى اۋىر, 179 ادامنىڭ جاعدايى ٶتە اۋىر. 113 ادام جاساندى تىنىس اپپاراتىنا قوسىلعان.
25 سەۋٸر كٷنگٸ مەلٸمەت بويىنشا, 878 مىڭنان استام ادام كوروناۆيرۋسقا قارسى ۆاكتسينانىڭ العاشقى دوزاسىن العان. 26 سەۋٸردەن باستاپ تۇرعىندارعا كوروناۆيرۋسقا قارسى قازاقستاندىق QazVac ۆاكتسيناسى ەگٸلە باستايدى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنە قاراعاندا, ەلەمدە كوروناۆيرۋسپەن تٸركەلگەندەر سانى 146 ميلليوننان اسقان. ونىڭ 3 ميلليون 106 مىڭى قايتىس بولعان. 84 ملن 629 مىڭ ادام جازىلعان.
