Qazaqstanda koronavirýs juqtyrý jaǵdailary tómendep keledi. Bul týraly Qazaqstannyń bas memlekettik sanitar dárigeri Aijan Esmaǵambetova málim etti, - dep habarlaidy "Ult aqparat".
«Sońǵy aptada jalpy elimiz aýmaǵynda aýrýǵa shaldyǵý 8-den 5,5 paiyzǵa (28 sáýirdegi jaǵdai boiynsha) deiin tómendegenin kórip otyrmyz. Bir aptada elimiz boiynsha aýrýǵa shaldyǵý ósimi 2,5 paiyzǵa azaidy», - dedi Aijan Esmaǵambetova onlain rejimde ótken baspasóz máslihatynda.
Osy oraida ol karantin talaptaryn ustaný kerektigin atap ótti.
«Alaida kebir óńirlerde koronavirýs juqtyrý jaǵdailary jalǵasýda, iaǵni olarda indetke shaldyǵý ósimi 0-den 40 paiyzǵa deiin qubylyp turady. Bul óz kezeginde syrqattaný aǵyny ózgermeli sipatqa ie ekenin baiqatýda. Osy oraida, óńirlerdi iske asyrylyp jatqan karantindik sharalardy jalǵastyrý kerek. Bul turǵyda talaptar jeńildetilgenniń ózinde qaýipsizdik erejesin ustaný kerek», - dedi Qazaqstannyń bas memlekettik sanitar dárigeri.
