قازاقستاندا كوروناۆيرۋس جۇقتىرۋ جاعدايلارى تٶمەندەپ كەلەدٸ. بۇل تۋرالى قازاقستاننىڭ باس مەملەكەتتٸك سانيتار دەرٸگەرٸ ايجان ەسماعامبەتوۆا مەلٸم ەتتٸ, - دەپ حابارلايدى "ۇلت اقپارات".
«سوڭعى اپتادا جالپى ەلٸمٸز اۋماعىندا اۋرۋعا شالدىعۋ 8-دەن 5,5 پايىزعا (28 سەۋٸردەگٸ جاعداي بويىنشا) دەيٸن تٶمەندەگەنٸن كٶرٸپ وتىرمىز. بٸر اپتادا ەلٸمٸز بويىنشا اۋرۋعا شالدىعۋ ٶسٸمٸ 2,5 پايىزعا ازايدى», - دەدٸ ايجان ەسماعامبەتوۆا ونلاين رەجيمدە ٶتكەن باسپاسٶز مەسليحاتىندا.
وسى ورايدا ول كارانتين تالاپتارىن ۇستانۋ كەرەكتٸگٸن اتاپ ٶتتٸ.
«الايدا كەبٸر ٶڭٸرلەردە كوروناۆيرۋس جۇقتىرۋ جاعدايلارى جالعاسۋدا, ياعني ولاردا ٸندەتكە شالدىعۋ ٶسٸمٸ 0-دەن 40 پايىزعا دەيٸن قۇبىلىپ تۇرادى. بۇل ٶز كەزەگٸندە سىرقاتتانۋ اعىنى ٶزگەرمەلٸ سيپاتقا يە ەكەنٸن بايقاتۋدا. وسى ورايدا, ٶڭٸرلەردٸ ٸسكە اسىرىلىپ جاتقان كارانتيندٸك شارالاردى جالعاستىرۋ كەرەك. بۇل تۇرعىدا تالاپتار جەڭٸلدەتٸلگەننٸڭ ٶزٸندە قاۋٸپسٸزدٸك ەرەجەسٸن ۇستانۋ كەرەك», - دەدٸ قازاقستاننىڭ باس مەملەكەتتٸك سانيتار دەرٸگەرٸ.
