27 sáýirde Qazaqstanda 2682 adamnyń analizinen koronavirýs anyqtaldy. Bul týraly 27 sáýirde tańerteń densaýlyq saqtaý ministrligi habarlady.
Dúisenbi kúni Almatyda 698 adamnyń koronavirýs testi oń shyqqan. Bul - respýblika boiynsha bir kún ishinde tirkelgen eń joǵary kórsetkish. Nur-Sultanda – 439, Qaraǵandy oblysynda – 256, Almaty oblysynda – 268, Batys Qazaqstan oblysynda – 173, Aqmola oblysynda – 139, Aqtóbe oblysynda 83 naýqas tirkelgen. Atyraý oblysynda – 98, Shyǵys Qazaqstan oblysynda – 78, Pavlodar oblysynda – 103, Shymkentte – 90, Qyzylorda oblysynda – 57, Jambyl oblysynda – 69, Mańǵystaý oblysynda – 55, Túrkistan oblysynda – 22, Soltústik Qazaqstan oblysynda – 29, Qostanai oblysynda 25 adamnan Covid anyqtalǵan.
2020 jyldyń naýryz aiynan beri Qazaqstanda 314 082 adamnyń koronavirýs testi oń shyqqan. Sodan beri 3621 adam koronavirýstan qaitys bolǵan. Bul statistikaǵa "koronavirýstan emes, basqa aýrýdan qaitys boldy" delingen myńnan astam adam (keminde 1619 adam) ólimi enbei qalǵan.
Densaýlyq ministrligi adam ólimi men koronavirýs pnevmoniiasyna shaldyqqandarǵa qatysty eki kún burynǵy málimetti jariialap keledi. 26 sáýirde 26 adam, iaǵni 22 adam – koronavirýstan, 4 adam koronavirýs pnevmoniiasynan qaitys bolǵan dep aitylady.
Qazaqstan úkimeti byltyr tamyzdan bastap analizinen koronavirýs anyqtalmaǵan, biraq aýrý belgileri boiynsha soǵan uqsaityn koronavirýs pnevmoniiasynyń esebin júrgizip keledi. 2020 jyldyń 1 tamyzynan beri 52 627 adamǵa (26 sáýirde 156 naýqas tirkelgen) koronavirýs pnevmoniiasy diagnozy qoiylǵan. Basym bóligi jazylǵan. Pnevmoniianyń osy túri 786 adamnyń ólimine sebep boldy dep aitylady.
Qazir 42 486 adam koronavirýstan emdelip jatyr. 42 myńnan astamynyń koronavirýs testi oń shyqqan. 770 adamnyń jaǵdaiy aýyr, 193 adamnyń jaǵdaiy óte aýyr. 109 adam jasandy tynys apparatyna qosylǵan.
Ministrlik málimetinshe, koronavirýsqa qarsy vaktsinanyń alǵashqy dozasyn keminde 1 mln 16 myń adam alǵan. Osy aptada halyqqa Covid-ke qarsy qazaqstandyq QazVac vaktsinasy da salyna bastady. Vaktsina klinikalyq synaqtyń úshinshi kezeńinen tolyq ótpedi. Qazir elde negizinen reseilik Spýtnik V vaktsinasy salynyp jatyr. 27 sáýirde Qazaqstannyń koronavirýsqa qarsy qytailyq vaktsinany da satyp alǵany belgili boldy.
Amerikalyq Djons Hopkins ýniversitetiniń málimetine qaraǵanda, álemde koronavirýspen tirkelgender sany 148 millionnan asqan. Onyń 3 millionnan astam adamqaitys bolǵan.
