27 سەۋٸردە قازاقستاندا 2682 ادامنىڭ اناليزٸنەن كوروناۆيرۋس انىقتالدى. بۇل تۋرالى 27 سەۋٸردە تاڭەرتەڭ دەنساۋلىق ساقتاۋ مينيسترلٸگٸ حابارلادى.
دٷيسەنبٸ كٷنٸ الماتىدا 698 ادامنىڭ كوروناۆيرۋس تەستٸ وڭ شىققان. بۇل - رەسپۋبليكا بويىنشا بٸر كٷن ٸشٸندە تٸركەلگەن ەڭ جوعارى كٶرسەتكٸش. نۇر-سۇلتاندا – 439, قاراعاندى وبلىسىندا – 256, الماتى وبلىسىندا – 268, باتىس قازاقستان وبلىسىندا – 173, اقمولا وبلىسىندا – 139, اقتٶبە وبلىسىندا 83 ناۋقاس تٸركەلگەن. اتىراۋ وبلىسىندا – 98, شىعىس قازاقستان وبلىسىندا – 78, پاۆلودار وبلىسىندا – 103, شىمكەنتتە – 90, قىزىلوردا وبلىسىندا – 57, جامبىل وبلىسىندا – 69, ماڭعىستاۋ وبلىسىندا – 55, تٷركٸستان وبلىسىندا – 22, سولتٷستٸك قازاقستان وبلىسىندا – 29, قوستاناي وبلىسىندا 25 ادامنان Covid انىقتالعان.
2020 جىلدىڭ ناۋرىز ايىنان بەرٸ قازاقستاندا 314 082 ادامنىڭ كوروناۆيرۋس تەستٸ وڭ شىققان. سودان بەرٸ 3621 ادام كوروناۆيرۋستان قايتىس بولعان. بۇل ستاتيستيكاعا "كوروناۆيرۋستان ەمەس, باسقا اۋرۋدان قايتىس بولدى" دەلٸنگەن مىڭنان استام ادام (كەمٸندە 1619 ادام) ٶلٸمٸ ەنبەي قالعان.
دەنساۋلىق مينيسترلٸگٸ ادام ٶلٸمٸ مەن كوروناۆيرۋس پنەۆمونيياسىنا شالدىققاندارعا قاتىستى ەكٸ كٷن بۇرىنعى مەلٸمەتتٸ جارييالاپ كەلەدٸ. 26 سەۋٸردە 26 ادام, ياعني 22 ادام – كوروناۆيرۋستان, 4 ادام كوروناۆيرۋس پنەۆمونيياسىنان قايتىس بولعان دەپ ايتىلادى.
قازاقستان ٷكٸمەتٸ بىلتىر تامىزدان باستاپ اناليزٸنەن كوروناۆيرۋس انىقتالماعان, بٸراق اۋرۋ بەلگٸلەرٸ بويىنشا سوعان ۇقسايتىن كوروناۆيرۋس پنەۆمونيياسىنىڭ ەسەبٸن جٷرگٸزٸپ كەلەدٸ. 2020 جىلدىڭ 1 تامىزىنان بەرٸ 52 627 ادامعا (26 سەۋٸردە 156 ناۋقاس تٸركەلگەن) كوروناۆيرۋس پنەۆمونيياسى دياگنوزى قويىلعان. باسىم بٶلٸگٸ جازىلعان. پنەۆمونييانىڭ وسى تٷرٸ 786 ادامنىڭ ٶلٸمٸنە سەبەپ بولدى دەپ ايتىلادى.
قازٸر 42 486 ادام كوروناۆيرۋستان ەمدەلٸپ جاتىر. 42 مىڭنان استامىنىڭ كوروناۆيرۋس تەستٸ وڭ شىققان. 770 ادامنىڭ جاعدايى اۋىر, 193 ادامنىڭ جاعدايى ٶتە اۋىر. 109 ادام جاساندى تىنىس اپپاراتىنا قوسىلعان.
مينيسترلٸك مەلٸمەتٸنشە, كوروناۆيرۋسقا قارسى ۆاكتسينانىڭ العاشقى دوزاسىن كەمٸندە 1 ملن 16 مىڭ ادام العان. وسى اپتادا حالىققا Covid-كە قارسى قازاقستاندىق QazVac ۆاكتسيناسى دا سالىنا باستادى. ۆاكتسينا كلينيكالىق سىناقتىڭ ٷشٸنشٸ كەزەڭٸنەن تولىق ٶتپەدٸ. قازٸر ەلدە نەگٸزٸنەن رەسەيلٸك سپۋتنيك V ۆاكتسيناسى سالىنىپ جاتىر. 27 سەۋٸردە قازاقستاننىڭ كوروناۆيرۋسقا قارسى قىتايلىق ۆاكتسينانى دا ساتىپ العانى بەلگٸلٸ بولدى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنە قاراعاندا, ەلەمدە كوروناۆيرۋسپەن تٸركەلگەندەر سانى 148 ميلليوننان اسقان. ونىڭ 3 ميلليوننان استام ادامقايتىس بولعان.
