Qazaqstan densaýlyq saqtaý ministrliginiń 6 sáýir 22.25-tegi málimetine sai, elde taǵy 22 adamnan koronavirýs tabyldy. Olardyń segizi Qyzylorda oblysynda, beseýi Shymkent qalasynda, tórteýi Túrkistan oblysy, úsheýi Almaty qalasynda, ekeýi Nur-Sultanda.
Qazaqstanda qazir 651 adamǵa juqty. Alty naýqas qaitys boldy. 46 adam dertten aiyqty: Nur-Sultanda - 24 adam, Almatyda - 21 adam, SQO - bir adam.⠀
Bas sanitar dárigeri Aijan Esmaǵambetovanyń dereginshe, elde COVID-19 dertine shaldyqqan 16 naýqastyń hali aýyr. Resmi derek boiynsha, Qazaqstanda 120 meditsinalyq qyzmetkerden koronavirýs anyqtalǵan. Biriniń jaǵdaiy aýyr. Toǵyz qyzmetkerdiń hali ortasha, 57 medqyzmetkerden simptomdar az. Budan bólek, 45 baladan koronavirýs anyqtalǵan. Olardyń tórteýi aýrýhanadan shyqqan. Qalǵandardynyń jaǵdaiy jaqsy.
