Qazaqstan densaýlyq saqtaý ministrligi 25 sáýir tańerteńgi saǵat 10.15-te taǵy 66 adamnan koronavirýs tabylǵanyn habarlady. Nur-Sultan qalasynda - 8, Almaty qalasynda - 4, Jambyl oblysynda - 2, Túrkistan oblysynda - 8, Shymkent qalasynda - 5, Qyzylorda oblysynda - 6, Pavlodar oblysynda - 12, Qaraǵandy oblysynda - 3, Batys Qazaqstan oblysynda - 2, Atyraý oblysynda - 10, Qostanai oblysynda - 1, Mańǵystaý oblysynda 5 adamǵa virýs juqqan.
Qazaqstanda virýs juqtyrǵandar 2482 adam boldy. 604 adam COVID-19 aýrýynan jazylǵan. Barlyǵy 25 adam qaitys bolǵan.
24 sáýirde Qazaqstanda bes adamnyń koronavirýstan qaitys bolǵany belgili boldy. Olardyń bireýi - Mańǵystaý oblysynda áskeri bólimderdiń birinde qyzmet etken 1980 jyly týǵan áskeri qyzmetker. Ol tótenshe jaǵdai kezinde Aqtaý kóshelerin zalalsyzdandyrýǵa atsalysqan.
Virýs tabylǵan 2482 adam myna aimaqtarda:
- Almaty qalasy – 791
- Nur-Sultan qalasy – 454
- Qyzylorda oblysy – 170
- Shymkent qalasy – 146
- Qaraǵandy oblysy – 111
- Jambyl oblysy – 103
- Batys Qazaqstan oblysy – 102
- Aqmola oblysy – 88
- Atyraý oblysy – 98
- Túrkistan oblysy – 93
- Almaty oblysy – 73
- Pavlodar oblysy – 88
- Aqtóbe oblysy – 55
- Qostanai oblysy – 39
- Soltústik Qazaqstan oblysy – 30
- Mańǵystaý oblysy – 25
- Shyǵys Qazaqstan oblysy – 16
Elde koronavirýsqa bailanysty 1 mamyrǵa deiin tótenshe jaǵdai jariialanǵan. Qazaqstannyń biraz aimaǵy karantinde.
