Qazaqstanda koronavirýs juqtyrǵan onynshy naýqas tirkeldi, dep habarlaidy "Ult aqparat".
Bul týraly Densaýlyq saqtaý ministrliginiń resmi ókili Dias Ahmetshárip Eýraziia 1 arnasynda tikelei efir kezinde aitty.
Dias Ahmetsháriptiń aitýynsha, 1986 jyly týǵan qyz 15 naýryzda Ystanbul qalasynan Almatyǵa ushyp kelgen.
Qazir Qazaqstanda epidemiiaǵa qarsy barlyq qajetti shara atqarylyp jatyr. Sonyń ishinde oqshaýlaý, emdeý jáne dezinfektsiialyq is-shara bar.
- karantinge jatqyzý úshin tósek oryndary ázirlengen;
- meditsinalyq preparattar men dezinfektsiialyq quraldar qory jetkilikti;
- meditsinalyq personal tolyq daiyn;
- suraq týǵan jaǵdaida, 1406 nómirine call ortalyqqa habarlasý kerek.
Eske salsaq, Buǵan deiin koronavirýs juqtyrǵandar sany 9 adamǵa jetkenin habarlaǵan bolatynbyz. Sondai-aq, Qazaqstanda Tótenshe jaǵdai jariialanyp, azamattardyń 15 sáýirge deiin el aýmaǵynan shyǵýyna tyiym salyndy. QR Prezidenti Qasym-Jomart Toqaev el halqyna úndeý joldady.
