Qazaqstanda koronavirýs infektsiiasyn juqtyrǵan 25 182 adam em qabyldap jatyr. Olardyń arasynda 108 sábi bar, dep habarlaidy "Ult aqparat" QR Densaýlyq saqtaý ministrliginiń Telegram arnasyna silteme jasap.
Ministrlik taratqan málimetterge qaraǵanda, statsionarlarda 5 021 naýqas jatyr. 20 161 adam ambýlatoriialyq jaǵdaida emdelýde.
Jalpy naýqastardyń arasynda 121 adamnyń hali nashar. Sonyń ishinde 29 naýqastyń ahýaly asa qatty aýyr dep baǵalanýda. 38 naýqas ókpeni jasandy jeldetý apparatynda jatyr.
QR Densaýlyq saqtaý ministrligi budan bylai táýliktik nátijeler týraly aqparatty kún saiyn únemi úzbei jariialap otyrady. Barlyq málimet resmi saitta jáne vedmostvanyń áleýmettik jelilerdegi paraqshalary arqyly taratylady. Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady. Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy brifingte habarlap turady.
