QR Densaýlyq saqtaý ministrliginiń resmi ókili Dias Ahmetshárip «Qazaqstanda koronavirýs infektsiiasy tirkeldi» degen syńaidaǵy alyp-qashpa áńgimelerge senbeýge shaqyrdy, dep habarlaidy "Ult aqparat".
«Keiingi kezde áleýmettik jeliler men WhatsApp messendjerinde kóptegen qaýeset tarap júr. Bir óńirde nemese qalada osyndai naýqas adamdy aýrýhanaǵa jatqyzypty degen aqparat kóp. Ondai qaýesetke senbeńizder. Bizde táýligine 24 saǵat, aptasyna 7 kún Ortalyq jedel shtab qyzmet etedi. Sol sebepti úrei týǵyzbas úshin bizdiń baspasóz ortalyǵyna habarlasýǵa bolady», - dedi ol búgin OKQ-da ótken baspasóz máslihatynda.
Osy rette Dias Ahmetshárip shyndyqqa janaspaityn aqparat taratý – ákimshilik jaýapkershilikke alyp keletinin eskertti.
«Sondyqtan biz Ortalyq jedel shtab arqyly barlyq resmi aqparatty taratyp otyramyz. Naýqas bizde joq (koronavirýs juqtyrǵan). Bas dárigerdiń qaýlysy boiynsha Qytaida 6-20 aqpan aralyǵynda bolǵan azamattardyń barlyǵy karantinge jatqyzylady. Iaǵni, aldyn alý sharalaryn kúsheitip otyrmyz», - dedi ol.
