قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ «قازاقستاندا كوروناۆيرۋس ينفەكتسيياسى تٸركەلدٸ» دەگەن سىڭايداعى الىپ-قاشپا ەڭگٸمەلەرگە سەنبەۋگە شاقىردى, دەپ حابارلايدى "ۇلت اقپارات".
«كەيٸنگٸ كەزدە ەلەۋمەتتٸك جەلٸلەر مەن WhatsApp مەسسەندجەرٸندە كٶپتەگەن قاۋەسەت تاراپ جٷر. بٸر ٶڭٸردە نەمەسە قالادا وسىنداي ناۋقاس ادامدى اۋرۋحاناعا جاتقىزىپتى دەگەن اقپارات كٶپ. ونداي قاۋەسەتكە سەنبەڭٸزدەر. بٸزدە تەۋلٸگٸنە 24 ساعات, اپتاسىنا 7 كٷن ورتالىق جەدەل شتاب قىزمەت ەتەدٸ. سول سەبەپتٸ ٷرەي تۋعىزباس ٷشٸن بٸزدٸڭ باسپاسٶز ورتالىعىنا حابارلاسۋعا بولادى», - دەدٸ ول بٷگٸن وكق-دا ٶتكەن باسپاسٶز مەسليحاتىندا.
وسى رەتتە دياس احمەتشەرٸپ شىندىققا جاناسپايتىن اقپارات تاراتۋ – ەكٸمشٸلٸك جاۋاپكەرشٸلٸككە الىپ كەلەتٸنٸن ەسكەرتتٸ.
«سوندىقتان بٸز ورتالىق جەدەل شتاب ارقىلى بارلىق رەسمي اقپاراتتى تاراتىپ وتىرامىز. ناۋقاس بٸزدە جوق (كوروناۆيرۋس جۇقتىرعان). باس دەرٸگەردٸڭ قاۋلىسى بويىنشا قىتايدا 6-20 اقپان ارالىعىندا بولعان ازاماتتاردىڭ بارلىعى كارانتينگە جاتقىزىلادى. ياعني, الدىن الۋ شارالارىن كٷشەيتٸپ وتىرمىز», - دەدٸ ول.
