22 qarashada Qazaqstanda 44 adamnan koronavirýs pnevmoniiasy anyqtaldy, bir kúnde 27 naýqas jazyldy. Koronavirýs juqqany PTR-testpen dáleldengen naýqastar arasynda 7 adam ólimi tirkeldi.
1 tamyzdan beri koronavirýs pnevmoniiasyna shaldyqqandar 41 203 adamǵa jetken, 30 086-y jazylǵan. 427 adam qaitys bolǵan. Qoǵamdyq densaýlyq saqtaý ulttyq ortalyǵynyń málimetinshe, ótken táýlikte shamamen 40 myń test júrgizilgen.
Amerikanyń Djons Hopkins ýniversitetiniń reitingisinde Qazaqstan koronavirýs juqtyrǵandar boiynsha álemde 50-orynda tur. Biraq halyqaralyq uiym koronavirýs pnevmoniiasyna shaldyqqandar engizilmegen ulttyq statistikaǵa (oǵan sáikes, Qazaqstanda 126 myńnan astam adamǵa Covid juqqan) súienip, reitingini túzgen.
Elde koronavirýs juqtyrǵandar men "pnevmoniiaǵa" shaldyqqandar 167 385 adamǵa jetken.
Naýryz aiynan beri koronavirýs juqtyrǵany testpen dáleldengender arasynda 1990 adam ólimi tirkelgen.
Densaýlyq saqtaý ministrligi aimaqtaǵy "pnevmoniia" ahýaly jaily málimetti sirek jariialaidy.
Qazir koronavirýs infektsiiasynan – 11 myń, koronavirýs pnevmoniiasynan 11 myń adam emdelip jatyr. Onyń arasynda 644 bala bar. Al, koronavirýs juqqany testpen rastalǵandar arasynda 200 adamnyń jaǵdaiy – aýyr, 30 adamnyń hali – óte aýyr, 22 adam tynys alý apparatyna qosylǵan.
