Qazaqstanda taǵy 717 adamǵa koronavirýs juqqany belgili boldy. Olardyń PTR testi oń shyqqan. 65 adamǵa koronavirýs pnevmoniiasy (PTR testi teris shyqqan, klinikalyq belgiler boiynsha Covid diagnozy qoiylǵandar) diagnozy qoiylǵan. 7 adam ólimi tirkelgen: 5 adam - koronavirýstan, 2 adam koronavirýs pnevmoniiasynan qaitys bolǵan dep aitylady.
Seisenbi kúni koronavirýs juqqany testpen rastalǵandar boiynsha Almatyda - 105, Pavlodar oblysynda - 69, Aqmola oblysynda - 69, Nur-Sultanda - 68, Batys Qazaqstan oblysynda - 64, Qostanai oblysynda - 61, Almaty oblysynda - 51, Shyǵys Qazaqstan oblysynda - 49, Qaraǵandy oblysynda - 46, Atyraý oblysynda - 35, Soltústik Qazaqstan oblysynda - 25, Qyzylorda oblysynda - 14, Shymkentte - 12, Aqtóbe men Mańǵystaý oblystarynda árqaisynda - 12, Jambyl oblysynda - 9, Túrkistan oblysynda 6 naýqas tirkelgen.
2020 jyldyń naýryz aiynan beri 214 806 adamnyń koronavirýs testi oń shyqqan. Sol ýaqyttan beri 2 777 adam qaitys bolǵan. 198 726 adam jazylǵan.
Qazaqstan biligi pnevmoniianyń koronavirýsqa uqsas túrin 2020 jyldyń 1 tamyzynan beri esepke ala bastaǵan. Oǵan deiin qansha adamnyń koronavirýs pnevmoniiasyna shaldyqqany belgisiz. Sodan beri 49 372 adam osy aýrýǵa shaldyqqan. 42 741 adam jazylǵan. 630 adam qaitys bolǵan.
Qazir 19 304 adam koronavirýstan emdelip jatyr. 13 303-iniń koronavirýs testi oń nátije kórsetken. 243 adamnyń jaǵdaiy aýyr, 42 patsienttiń jaǵdaiy óte aýyr. 47 naýqas jasandy tynys apparatyna qosylǵan.
Sondai-aq, vedomstvoaralyq komissiianyń Telegram kanalyndaǵy málimetterge sáikes, 3 naýryzda Nur-Sultan men Almaty qalalary jáne Aqmola, Atyraý, Batys Qazaqstan, Qostanai, Pavlodar oblystary «sary aimaqta» tur.
Ózge óńirlerdiń barlyǵy - «jasyl aimaqta».
Amerikalyq Djons Hopkins ýniversitetiniń málimetinshe, álemde koronavirýs juqtyrǵandar 114,7 mln adamnan asty. Shamamen 64,8 mln adam aiyqqan, 2,54 adam qaitys bolǵan.
