23 qarashada Qazaqstanda 20 adamnan koronavirýs pnevmoniiasy anyqtaldy, bir kúnde 30 naýqas jazyldy. Pnevmoniianyń bul túrinen 1 adam qaitys boldy.
1 tamyzdan beri koronavirýs pnevmoniiasyna shaldyqqandar 41 223 adamǵa jetken, 30 116-y jazylǵan. 428 adam qaitys bolǵan.
Dúisenbi kúni koronavirýs juqqany PTR-testpen dáleldengen naýqastar arasynda 6 adam ólimi tirkeldi. Naýryz aiynan beri 1996 adam qaitys boldy. Ólim-jitimdi zertteý komissiiasy olardyń ólimine "koronavirýs" sebep boldy deidi.
Amerikanyń Djons Hopkins ýniversitetiniń reitingisinde Qazaqstan koronavirýs juqtyrǵandar boiynsha álemde 50-orynda tur. Biraq halyqaralyq uiym koronavirýs pnevmoniiasyna shaldyqqandar engizilmegen ulttyq statistikaǵa (oǵan sáikes, Qazaqstanda 126 myńnan astam adamǵa Covid juqqan) súienip, reitingini túzgen.
Elde koronavirýs juqtyrǵandar men "pnevmoniiaǵa" shaldyqqandar 168 083 adamǵa jetken.
Qazir koronavirýs infektsiiasynan – 11 myń, koronavirýs pnevmoniiasynan 11 myń adam emdelip jatyr. Koronavirýs juqqany testpen rastalǵandar arasynda 211 adamnyń jaǵdaiy – aýyr, 28 adamnyń hali – óte aýyr, 24 adam tynys alý apparatyna qosylǵan.
