26 qarashada Qazaqstanda 161 adamnan koronavirýs pnevmoniiasy anyqtaldy, 73 naýqas jazyldy. Bir táýlik ishinde pnevmoniianyń bul túrinen 5 adam qaitys boldy.
1 tamyzdan beri koronavirýs pnevmoniiasyna shaldyqqandar 41 756 adamǵa jetken, 30 362-y jazylǵan. 439 adam qaitys bolǵan.
Beisenbi kúni koronavirýs juqqany PTR-testpen dáleldengen naýqastar arasynda 5 adam ólimi tirkeldi. Naýryz aiynan beri 2013 adam qaitys boldy. Ólim-jitimdi zertteý komissiiasy olardyń ólimine "koronavirýs" sebep boldy deidi.
Elde koronavirýs juqtyrǵandar men "pnevmoniiaǵa" shaldyqqandar 170 969 adamǵa jetken. Biraq koronavirýs pnevmoniiasyna shaldyqqandar esebi Qazaqstannyń Covid statistikasyna engizilmegen.
Densaýlyq saqtaý ministrligi aimaqtaǵy "pnevmoniia" ahýaly jaily málimetti sirek jariialaidy.
Qazir koronavirýs infektsiiasynan – shamamen 12 myńǵa jýyq, koronavirýs pnevmoniiasynan 11 myńǵa jýyq adam emdelip jatyr. Koronavirýs juqqany testpen rastalǵandar arasynda 208 adamnyń jaǵdaiy – aýyr, 31 adamnyń hali – óte aýyr, 30 adam tynys alý apparatyna qosylǵan.
