Qazaqstan bas sanitarlyq dárigeriniń elde koronavirýs infektsiiasynyń aldyn alý sharalaryn kúsheitý boiynsha qaýlysy jariialandy, dep habarlaidy QazAqparat.
«Osy qaýlyǵy sáikes, birinshi kategoriiadaǵy elderdiń ishinde eki top, iaǵni 1 A jáne 1 B bar. 1 A sanatyna kiretin azamattar statsionarda 14 kúndik merzimde karantinge jatqyzylady. Alaida bul shara resmi jáne úkimettik delegatsiialar, sondai-aq qyzmettik jáne diplomatiialyq pasporttarynyń ielerine, áýe kompaniialarynyń ushqyshtary men ekipaj músheleri, lokomotiv brigadalary, temirjol kóligimen bailanysty tulǵalar jáne halyqaralyq avtokólik tasymaldarymen ainalysatyn júrgizýshilerge qatysty emes. Olar telefonǵa qońyraý shalý arqyly tek dárigerdiń baqylaýynda bolady. Sonymen bul sanatqa kiretin elder: QHR jáne Iran Islam Respýblikasy», - dedi Qazmediada ótken baspasóz máslihatynda Densaýlyq saqtaý ministrliginiń resmi ókili Dias Ahmetshárip.
Qaýlyǵa sáikes, ekinshi sanattaǵy elder úshin úide oqshaýlaý nemese úi karantini tártibi engizilgen. Bul sanattaǵy elderden kelgen adamdar QR-nyń shekarasynan ótken kúnnen bastap 14 kún ishinde turǵylyqty jeri boiynsha barlyq talapqa sáikes úide karantin bolady. Bul shara da resmi jáne úkimettik delegatsiialar, sondai-aq qyzmettik jáne diplomatiialyq pasporttarynyń ielerine, áýe kompaniialarynyń ushqyshtary men ekipaj músheleri, lokomotiv brigadalary, temirjol kóligimen bailanysty tulǵalar jáne halyqaralyq avtokólik tasymaldarymen ainalysatyn júrgizýshilerge qatysty emes. Olar telefonǵa qońyraý shalý arqyly tek dárigerdiń baqylaýyna alynbaq. Bul sanatqa kiretin elder: Ońtústik Koreia, Qytaidyń Gonkong arnaiy ákimshilik aýdany, sol siiaqty Makao, Taivan, Japoniia jáne Italiia.
«Ekinshi sanattaǵy elderden kelgen adamdardyń Qazaqstan Respýblikasynyń shekarasynan ótken kúnnen bastap 14 kúnniń ishinde qońyraý shalý arqyly turǵylyqty jeri boiynsha meditsinalyq qyzmetkerlermen baqylanady. Resmi jáne úkimettik delegatsiialar, sondai-aq qyzmettik jáne diplomatiialyq pasporttarynyń ieleri, áýe kompaniialarynyń ushqyshtary men ekipaj músheleri, lokomotiv brigadalary, temirjol kóligimen bailanysty tulǵalar jáne 1 A jáne 1 B sanattaǵy elderden halyqaralyq avtokólik tasymaldarymen ainalysatyn júrgizýshiler turǵylyqty jeri boiynsha meditsinalyq baqylaýdan ótedi. Olar telefonǵa qońyraý shalý arqyly tek dárigerdiń baqylaýynda bolady. Bul sanatqa kiretin elder: Frantsiia, Germaniia, Tailand jáne Ázerbaijan», - dedi Dias Ahmetshárip.
Úshinshi sanatqa kiretin elder: BÁA, Ispaniia, Malaiziia, Irak, Shveitsariia, Ulybritaniia, Bahrein, Kýveit, Singapýr jáne AQSh. Olar úshin tek esepke alý tártibi bar. Iaǵni ol elderden kelgender shekaraǵa kelgen kezde saýalnama tapsyrady.
