QR Densaýlyq saqtaý ministri Eljan Birtanov elimizde koronavirýstyń alǵashqy jaǵdaiy qalai anyqtalǵanyn aityp berdi, dep habarlaidy QazAqparat.
«Qytaida koronavirýs tarala bastaǵannan keiin-aq 6 qańtarda kúsheitilgen sharalardy qolǵa aldyq. Qańtar aiynyń ortasyna taman polimerazdy tizbekti reaktsiia-diagnostikasy retseptin aldyq. Sonyń arqasynda koronavirýstyń jańa túrin anyqtaýǵa múmkindik boldy. Koronavirýs infektsiiasyna shaldyǵý kúdigi bar naýqastardy teksere bastadyq», - dedi ministr zakon.kz portalynyń Instagram paraqshasynda bergen suhbatynda.
Onyń atap ótýinshe, qazirgi ýaqytta ókpe qabynýy jáne ókpe qabynýynyń aýyr formasyna dýshar bolǵan naýqastardyń barlyǵy tekserilip jatyr.
«Koronavirýs infektsiiasyn juqtyrǵan naýqas naýryz aiynyń ortasynda osy toptyń ortasynan anyqtaldy. Iaǵni, aqpan-naýryzda mundai túsiniksiz virýs infektsiiasyn kezdestirmedik. Testileý jasaǵanymen koronavirýs tappadyq. Sanitar dárigerdiń jańa qaýlysyn engizdik. JRVI-diń aýyr, ortasha aýyr formalaryna da koronavirýstyń jasyryn formalaryn anyqtaý úshin testileý júrgizemiz», - dedi Eljan Birtanov.
Osy rette ol Nur-Sultan men Almaty qalalarynda JRVI belgileri bar turǵyndardyń júginýi úshin arnaiy klinika ashylǵanyn atap ótti. Atalǵan klinikada dárigerler qajet bolǵan jaǵdaida tiisti tekserý taǵaiyndai alady.
«Tolyqtai alǵanda, biz sapaly test qolymyzǵa túskennen keiin teksere bastadyq. Jańa koronavirýs tek 13 naýryzda ǵana anyqtaldy», - dedi ministr.
