قر دەنساۋلىق ساقتاۋ مينيسترٸ ەلجان بٸرتانوۆ ەلٸمٸزدە كوروناۆيرۋستىڭ العاشقى جاعدايى قالاي انىقتالعانىن ايتىپ بەردٸ, دەپ حابارلايدى قازاقپارات.
«قىتايدا كوروناۆيرۋس تارالا باستاعاننان كەيٸن-اق 6 قاڭتاردا كٷشەيتٸلگەن شارالاردى قولعا الدىق. قاڭتار ايىنىڭ ورتاسىنا تامان پوليمەرازدى تٸزبەكتٸ رەاكتسييا-دياگنوستيكاسى رەتسەپتٸن الدىق. سونىڭ ارقاسىندا كوروناۆيرۋستىڭ جاڭا تٷرٸن انىقتاۋعا مٷمكٸندٸك بولدى. كوروناۆيرۋس ينفەكتسيياسىنا شالدىعۋ كٷدٸگٸ بار ناۋقاستاردى تەكسەرە باستادىق», - دەدٸ مينيستر zakon.kz پورتالىنىڭ Instagram پاراقشاسىندا بەرگەن سۇحباتىندا.
ونىڭ اتاپ ٶتۋٸنشە, قازٸرگٸ ۋاقىتتا ٶكپە قابىنۋى جەنە ٶكپە قابىنۋىنىڭ اۋىر فورماسىنا دۋشار بولعان ناۋقاستاردىڭ بارلىعى تەكسەرٸلٸپ جاتىر.
«كوروناۆيرۋس ينفەكتسيياسىن جۇقتىرعان ناۋقاس ناۋرىز ايىنىڭ ورتاسىندا وسى توپتىڭ ورتاسىنان انىقتالدى. ياعني, اقپان-ناۋرىزدا مۇنداي تٷسٸنٸكسٸز ۆيرۋس ينفەكتسيياسىن كەزدەستٸرمەدٸك. تەستٸلەۋ جاساعانىمەن كوروناۆيرۋس تاپپادىق. سانيتار دەرٸگەردٸڭ جاڭا قاۋلىسىن ەنگٸزدٸك. جرۆي-دٸڭ اۋىر, ورتاشا اۋىر فورمالارىنا دا كوروناۆيرۋستىڭ جاسىرىن فورمالارىن انىقتاۋ ٷشٸن تەستٸلەۋ جٷرگٸزەمٸز», - دەدٸ ەلجان بٸرتانوۆ.
وسى رەتتە ول نۇر-سۇلتان مەن الماتى قالالارىندا جرۆي بەلگٸلەرٸ بار تۇرعىنداردىڭ جٷگٸنۋٸ ٷشٸن ارنايى كلينيكا اشىلعانىن اتاپ ٶتتٸ. اتالعان كلينيكادا دەرٸگەرلەر قاجەت بولعان جاعدايدا تيٸستٸ تەكسەرۋ تاعايىنداي الادى.
«تولىقتاي العاندا, بٸز ساپالى تەست قولىمىزعا تٷسكەننەن كەيٸن تەكسەرە باستادىق. جاڭا كوروناۆيرۋس تەك 13 ناۋرىزدا عانا انىقتالدى», - دەدٸ مينيستر.
