QR Respýblikasynyń Bas sanitarlyq dárigeri quramynda soia bar tamaq ónimderin ákelýge jáne satýǵa tyiym salý boiynsha ýaqytsha sanitarlyq sharalardy engizdi. Bul týraly Taýarlar men kórsetiletin qyzmetterdiń sapasy men qaýipsizdigin baqylaý komitetiniń baspasóz qyzmeti habarlady.
Qazaqstan Respýblikasynyń Bas memlekettik sanitarlyq dárigeri Erlan Qiiasov Qazaqstan Respýblikasynyń aýmaǵyna, Ońtústik Koreialyq óndirýshileri Ottogi Ramen Ko, LTD, 123-12, Engsong-Ri, Anzýng-Yp, Pengtek-Si, kengi-Do tez daiyndalatyn kespelerin ákelýge jáne satýǵa tyiym salý týraly qaýly shyǵardy.
Máselen, QR Densaýlyq saqtaý ministrligi Taýarlardyń sapasyn baqylaý jáne qaýipsizdik komitetiniń mamandary ónim qaýipsizdigin monitoringileý sheńberinde - «Djin Ramen» ataýy bar tez daiyndalatyn kespeler assortimentinde, qaptamasynda óndirýshisi Ottogi Ramen Ko (Ońtústik Koreia) dep kórsetilgen, genetikalyq túrlendirilgen soia jelileriniń sandyq quramynyń artyq ekendigi anyqtaldy (MON 89788 1,45%-dan 10,25%-ke deiin), norma boiynsha 0,9% bolýy kerek.
Óndirýshisi Ońtústik Koreia bolyp tabylatyn osy ónimniń tutynýshylyq qaptamasynda quramynda gendik túrlendirilgen ingredientterdiń bar ekendigi jóninde aqparat bolmaǵanyn aita ketý kerek.
«Tamaq ónimderindegi GTO quramynyń ruqsat etilgen normasy 0,9% - dan aspaýy kerek. Belgilengen talaptarǵa, onyń ishinde Kodeks Alimentariýs halyqaralyq tamaq standarttaryna sáikes quramynda 0,9% - dan astam GTO bar tamaq ónimderi mindetti túrde tańbalanýǵa jatady. Bul ónim monitoring júrgizý barysynda anyqtaldy. Ónim Almaty qalasynyń saýda obektilerinen satyp alyndy: JK «Almanyń» «Maibulaq» dúkeni jáne JK A.A. Kalievanyń «Mila» dúkeni. Búgingi kúni bólshek saýda jelilerinde sáikessiz ónimderdi anyqtaý jáne olardy satýdan alyp tastaý boiynsha is-sharalar júrgizilýde», - dedi komitet.
Komitettiń aýmaqtyq bólimshelerine menshik nysanyna qaramastan, joǵaryda kórsetilgen ónimderdi ákelý jáne ótkizý qyzmetin júzege asyratyn kásipkerlik sýbektilerin habardar etý tapsyryldy.
Sondai-aq, sanitariialyq-epidemiiaǵa qarsy is-sharalar júrgizý jáne Qazaqstannyń tutyný naryǵyn qorǵaýdyń tiisti deńgeiin qamtamasyz etý maqsatynda, Eýraziialyq ekonomikalyq odaqqa múshe memleketterdiń ýákiletti organdaryna habarlamalar jiberildi.
