2020 jyly Qazaqstanda tsifrlyq esepteýish mashina shyǵarý 6 esege artty, dep habarlaidy energyprom.kz portaly.
2021 jyldyń alǵashqy aiynda Qazaqstanda 538 tsifrlyq esepteýish tehnika shyǵaryldy. Bul ótken jyldyń dál sondai aiyndaǵy kórsetkishten 3,6 paiyzǵa artyq. Osy rette 2020 jyldyń qańtarynda ónimniń jyldyq quldyraýy 64,8 paiyz mólsherinde baiqalǵan edi.
Byltyr 59,3 myń esepteýish mashinasy shyǵaryldy, bul 2019 jylmen salystyrǵanda 6 ese kóp. Ótken jyly tsifrlyq esepteýish tehnikalary óndirisiniń basym bóligi Almaty qalasynda shoǵyrlandy. Bul qalada 58,1 myń qurylǵy shyǵaryldy. Kórsetkish 2019 jylmen salystyrǵanda 6,8 ese joǵary. Al Qaraǵandy oblysynda 1,1 myń, Nur-Sultanda 124, Jambyl oblysynla 24 esepteýish mashinasy qurastyryldy.
QR Indýstriia jáne infraqurylymdyq damý ministrliginiń aqparatyna sáikes, elimizdegi tarihy tereń, eń kóne zaýyttardyń biri - Petropavl qalasyndaǵy S.M. Kirov atyndaǵy zaýyt ZIKComputers markasymen kompiýterlik tehnika shyǵara bastady. Tutynýshylarǵa otandyq Zik kompiýterleriniń 7 túri usynyldy. Olardy qazirdiń ózinde kaspi.kz jáne ForteMarket arqyly satyp alýǵa bolady. Jaqyn arada otandyq kompiýterlerdi «Qazposhtanyń» barlyq bólimshelerinen de alýǵa bolatyn bolady.
ZIKcomputers jelisiniń óndiristik qýaty - jylyna 100 000 birlik kompiýterlik tehnika. Kompiýterlik tehnikany daiyndaýǵa arnalǵan komponentterdi seriktesteri - elektronika, kompiýterlik tehnika jáne serverlik jabdyqtar óndirisinde 30 jyldyq tájiribesi bar Great Wall kompaniiasy jetkizedi.
