2020 جىلى قازاقستاندا تسيفرلىق ەسەپتەۋٸش ماشينا شىعارۋ 6 ەسەگە ارتتى, دەپ حابارلايدى energyprom.kz پورتالى.
2021 جىلدىڭ العاشقى ايىندا قازاقستاندا 538 تسيفرلىق ەسەپتەۋٸش تەحنيكا شىعارىلدى. بۇل ٶتكەن جىلدىڭ دەل سونداي ايىنداعى كٶرسەتكٸشتەن 3,6 پايىزعا ارتىق. وسى رەتتە 2020 جىلدىڭ قاڭتارىندا ٶنٸمنٸڭ جىلدىق قۇلدىراۋى 64,8 پايىز مٶلشەرٸندە بايقالعان ەدٸ.
بىلتىر 59,3 مىڭ ەسەپتەۋٸش ماشيناسى شىعارىلدى, بۇل 2019 جىلمەن سالىستىرعاندا 6 ەسە كٶپ. ٶتكەن جىلى تسيفرلىق ەسەپتەۋٸش تەحنيكالارى ٶندٸرٸسٸنٸڭ باسىم بٶلٸگٸ الماتى قالاسىندا شوعىرلاندى. بۇل قالادا 58,1 مىڭ قۇرىلعى شىعارىلدى. كٶرسەتكٸش 2019 جىلمەن سالىستىرعاندا 6,8 ەسە جوعارى. ال قاراعاندى وبلىسىندا 1,1 مىڭ, نۇر-سۇلتاندا 124, جامبىل وبلىسىنلا 24 ەسەپتەۋٸش ماشيناسى قۇراستىرىلدى.
قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ اقپاراتىنا سەيكەس, ەلٸمٸزدەگٸ تاريحى تەرەڭ, ەڭ كٶنە زاۋىتتاردىڭ بٸرٸ - پەتروپاۆل قالاسىنداعى س.م. كيروۆ اتىنداعى زاۋىت ZIKComputers ماركاسىمەن كومپيۋتەرلٸك تەحنيكا شىعارا باستادى. تۇتىنۋشىلارعا وتاندىق Zik كومپيۋتەرلەرٸنٸڭ 7 تٷرٸ ۇسىنىلدى. ولاردى قازٸردٸڭ ٶزٸندە kaspi.kz جەنە ForteMarket ارقىلى ساتىپ الۋعا بولادى. جاقىن ارادا وتاندىق كومپيۋتەرلەردٸ «قازپوشتانىڭ» بارلىق بٶلٸمشەلەرٸنەن دە الۋعا بولاتىن بولادى.
ZIKcomputers جەلٸسٸنٸڭ ٶندٸرٸستٸك قۋاتى - جىلىنا 100 000 بٸرلٸك كومپيۋتەرلٸك تەحنيكا. كومپيۋتەرلٸك تەحنيكانى دايىنداۋعا ارنالعان كومپونەنتتەردٸ سەرٸكتەستەرٸ - ەلەكترونيكا, كومپيۋتەرلٸك تەحنيكا جەنە سەرۆەرلٸك جابدىقتار ٶندٸرٸسٸندە 30 جىلدىق تەجٸريبەسٸ بار Great Wall كومپانيياسى جەتكٸزەدٸ.
