Qazaqstannyń barlyq óńirinde kómir tapshylyǵy joq. Bul týraly búgin Úkimettiń selektorlyq rejimdegi otyrysynda QR Energetika ministri Qanat Bozymbaev aitty, dep habarlaidy "Ult aqparat" QazAqparat agenttigine silteme jasap.
«2017 jyldyń 9 aiynda 75,3 mln tonna kómir óndirildi. Bul 2016 jyldyń sáikes kezeńimen salystyrǵanda 13,2 paiyzǵa artyq. Ishki naryqqa 54,7 mln tonna kómir jetkizildi. Onyń 41,1 mln tonnasy energiia óndirýshi káisiporyndarǵa jóneltildi. Eksport 21,1 mln tonnany qurady. Bul ótken jyldyń sáikes kezeńimen salystyrǵanda 16,6 paiyzǵa kóp. Dál osy kezeńde kommýnaldyq-turmystyq qajettilikke jáne halyqqa 1 millionnan astam kómir jetkizildi. Bul ótken jyldyń sáikesinshe kezeńdegi deńgeiden 26,8 paiyzǵa kóp», - dedi ministr.
Onyń aitýynsha, jyl saiyn jylý berý maýsymy kezinde kommýnaldyq-turmystyq qajettik pen halyqqa syrtqy aýa temperatýrasyna bailanysty shamamen 10-112 mln tona kómir jetkiziledi. Bul sanatqa arnalǵan kómirdiń baǵasy ken ornyna bailanysty 2,5 myń teńgeni quraidy. Qzirgi ýaqytta elimizdegi kómir óndiretin kásiporyndar turaqty jumys istep, kómir óndirý kólemin arttyra túsýde.
«Búgingi kúni elde kómir tapshylyǵy joq. Qyrkúiektiń ortasynda kúnniń kúrt sýýyna bailanysty ortalyq jáne soltústik oblystarda kómirgen suranys arta tústi», - dedi ol.
Ministrdiń dereginshe, qazirgi ýaqytta Aqmola oblysynyń saýda núktelerinde 40-tan 700 tonnaǵa deiin, Almaty oblysynda shamamen 300 tonna, Jambyl oblysynda 490, Soltústik Qazaqstan oblysynda 600, Ońtústik Qazaqstan oblysynda 20 myń, Astanada shamamen 1 myń tonna kómir bar.
