Foto: ashyq derekkóz
QR ónerkásip jáne qurylys ministri Ersaiyn Naǵaspaev Úkimet otyrysynda ótken jylytý kezeńiniń qorytyndylary jáne aldaǵy maýsymǵa daiyndyq týraly baiandady, dep habarlaidy Ult.kz.
Ol ótken jylytý maýsymynda halyq pen kommýnaldyq-turmystyq sektordyń josparlanǵan qajettiligi shamamen 7,9 mln tonna kómirdi quraǵanyn atap ótti.
Respýblikalyq shtabtyń «Qazaqstan temir joly», jergilikti atqarýshy organdar jáne kómir óndirýshilermen birlesip jasalǵan jumystyń nátijesinde ótken jylytý maýsymynda kómir turaqty jetkizildi. Barlyq tutynýshy tolyq kólemde kómirmen qamtamasyz etildi, jospar 101,1%-ǵa oryndaldy. Qoimalar men temirjol tuiyqtarynda shamamen 350 myń tonna kómir qory bar.
«Aldaǵy 2025-2026 jyldarǵa arnalǵan jylytý maýsymyna daiyndyq sheńberinde Ministrlik jergilikti atqarýshy organdardyń, QTJ jáne kómir kompaniialarynyń atyna kómirdi úzdiksiz jetkizýdi qamtamasyz etýge baǵyttalǵan is-sharalar josparyn ázirlep, joldady. Sonymen qatar, kómir jetkizýdiń turaqtylyǵyn arttyrý maqsatynda qazirgi ýaqytta "Qaztemirtranspen" birlesip kómir kompaniialarymen belgilengen baǵamen jáne olardy jyljymaly qurammen qamtamasyz etý kepildigimen uzaq merzimdi kelisimsharttar jasasý máselesi pysyqtalýda», — dep atap ótti Ersaiyn Naǵaspaev.
Ministr sondai-aq osy jyldyń tórt aiynda 36,4 mln tonna kómir óndirilgenin, bul ótken jyldyń sáikes kezeńimen salystyrǵanda 4,3%-ǵa artyq ekenin habarlady.
