Elimizde qolma-qol aqshanyń kólemi ótken jyly 16,1 paiyzǵa ósti, dep habarlaidy "Ult aqparat".
QR Ulttyq banki taratqan aqparatqa qaraǵanda, 2018 jyldyń jeltoqsan aiynda qarashamen salystyrǵanda 8,5 paiyzǵa, al jalpy 2017 jyldyń kórsetkishpen 16,1 paiyzǵa, iaǵni 2,26 trln teńgege deiin artty.
Qolma-qol aqsha men ótimdi teńgelik depozitter enetin M1 aqshalai agregaty ótken aida 10,9 paiyzǵa (2018 jyldyń basynan bastap 12,8 paiyzǵa), iaǵni 5,605 trln teńgege deiin artqan. Al qolma-qol aqshany, barlyq teńgelik jáne ótimdi valiýtalyq depozitti qamtityn M2 indikatory 3 paiyzǵa (+7,1 paiyzǵa), iaǵni 14,467 trln teńgege deiin ósken.
Aqshalai massa 4,6 paiyzǵa (+7 paiyzǵa) - 20,813 trln teńgege deiin kóbeigen. Aqshalai baza nemese QR Ulttyq banktiń aqshasy ótken jyldyń jeltoqsan aiynda 11,1 paiyzǵa (2017 jyldyń jeltoqsanynan beri 20,1 paiyzǵa) artqan. Jalpy, aqshalai baza 4,3 paiyzǵa (+16,2 paiyzǵa) - 5,995 trln teńgege kóbeigen.
QR Ulttyq bankiniń esebindegi ekinshi deńgeili bankter men ózge de uiymdardyń depozitteriniń mólsheri 13,3 paiyzǵa (+22,9 paiyzǵa) - 4,032 trln teńgege ulǵaiǵan.
