Qazaqstanda 2019 jyldyń shilde aiynda qolma-qol ainalymdaǵy aqsha kólemi ótken aimen salystyrǵanda 0,2% artyp, 2,236 trln teńgege jetti. Bul 2018 jyldyń jeltoqsanyndaǵy kórsetkishten 1,1% az, dep habarlaidy QazAqparat QR Ulttyq bankine silteme jasap.
Ulttyq banktiń aqparatyna súiensek, qolma-qol aqshalardy, likvidti teńge depozitterin qamtityn M1 aqsha agregaty ótken aida 1,4% (jyl basynan berip - 0,3%) azaiyp, 5,586 trln teńgeni quraǵan. Qolma-qol aqshalardy, likvidti teńge depozitterin, likvidti valiýtalyq depozitterdiń barlyǵyn qamtityn M2 indikatory 2,6% ósip (+3,2%), 14,923 trln teńge bolǵan. Aqsha massasy 1,6% (-4,6%) qysqaryp, 19, 847 trln teńgeni quraǵan.
Aqsha bazasy nemese QR Ulttyq bankiniń aqshalary biyl shilde aiynda 11,5% (byltyrǵy jeltoqsannan beri - 6,4%) joǵarylap, 7,078 trln teńge bolǵan. Qysqasha túsinik boiynsha, aqsha bazasy 17% (+2,3%), iaǵni 6,132 trln teńgege deiin artty.
Ekinshi deńgeili bankter jáne basqa da uiymdardyń QR Ulttyq bankindegi depozitteriniń kólemi 18,7% (+12%), iaǵni 4,515 trln teńgege deiin ulǵaidy.
