قازاقستاندا قولما-قول اقشا كٶلەمٸ ٶستٸ

قازاقستاندا 2019 جىلدىڭ شٸلدە ايىندا قولما-قول اينالىمداعى اقشا كٶلەمٸ ٶتكەن ايمەن سالىستىرعاندا 0,2% ارتىپ, 2,236 ترلن تەڭگەگە جەتتٸ. بۇل 2018 جىلدىڭ جەلتوقسانىنداعى كٶرسەتكٸشتەن 1,1% از, دەپ حابارلايدى قازاقپارات قر ۇلتتىق بانكٸنە سٸلتەمە جاساپ.

ۇلتتىق بانكتٸڭ اقپاراتىنا سٷيەنسەك, قولما-قول اقشالاردى, ليكۆيدتٸ تەڭگە دەپوزيتتەرٸن قامتيتىن م1 اقشا اگرەگاتى ٶتكەن ايدا 1,4% (جىل باسىنان بەرٸپ - 0,3%) ازايىپ, 5,586 ترلن تەڭگەنٸ قۇراعان. قولما-قول اقشالاردى, ليكۆيدتٸ تەڭگە دەپوزيتتەرٸن, ليكۆيدتٸ ۆاليۋتالىق دەپوزيتتەردٸڭ بارلىعىن قامتيتىن م2 ينديكاتورى 2,6% ٶسٸپ (+3,2%), 14,923 ترلن تەڭگە بولعان. اقشا ماسساسى 1,6% (-4,6%) قىسقارىپ, 19, 847 ترلن تەڭگەنٸ قۇراعان.

اقشا بازاسى نەمەسە قر ۇلتتىق بانكٸنٸڭ اقشالارى بيىل شٸلدە ايىندا 11,5% (بىلتىرعى جەلتوقساننان بەرٸ - 6,4%) جوعارىلاپ, 7,078 ترلن تەڭگە بولعان. قىسقاشا تٷسٸنٸك بويىنشا, اقشا بازاسى 17% (+2,3%), ياعني 6,132 ترلن تەڭگەگە دەيٸن ارتتى.

ەكٸنشٸ دەڭگەيلٸ بانكتەر جەنە باسقا دا ۇيىمداردىڭ قر ۇلتتىق بانكٸندەگٸ دەپوزيتتەرٸنٸڭ كٶلەمٸ 18,7% (+12%), ياعني 4,515 ترلن تەڭگەگە دەيٸن ۇلعايدى.