Kólik salyǵyn tóleý merzimi aýystyrylady. Bul týraly Parlament Májilisiniń jalpy otyrysynda Ulttyq ekonomika ministri Rýslan Dálenov málim etti, dep habarlaidy QazAqparat.
«Salyq tóleýshilerge qolaily bolý maqsatynda kólik salyǵyn tóleý merzimin biylǵy 31 jeltoqsanynan kelesi jyldyń 1 sáýirine aýystyrý usynylady», - dedi ministri tiisti zań jobasyn talqylaý kezinde.
Budan buryn habarlanǵandai, búgin Májilistiń jalpy otyrysynda «Qazaqstan Respýblikasynyń keibir zańnamalyq aktilerine salyq salý jáne investitsiialyq ahýaldy jetildirý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
Salyq elementterin (salyq salý obektisi, salyq bazasy, mólsherlemesin, esepteý jáne tóleý tártibin) ózgertpei jeke tulǵalardyń múlik jáne jer salyqtaryn biriktirý usynylady, 2 salyq biryńǵai tólemmen tólenedi. Bul rette, kóppáterli turǵyn úilerdiń ieleri úshin jer salyǵyn alyp tastaý usynylady.
