Qazaqstanda kólik salyǵyn tóleý merzimi ózgeredi, dep habarlaidy "Ult aqparat" elimizdiń Ulttyq ekonomika ministrligine silteme jasap.
«Salyq tóleýshilerdiń ákimshilik jáne ýaqytsha shyǵyndaryn azaitý maqsatynda salyqty jáne áleýmettik tólemder tóleýdi jeńildetý jumystary júrgiziledi. Búginde kópqabatty úilerdiń turǵyndary múlik jáne jer salyǵyn tóleýge májbúr. Bul rette salyq somasy az, al ákimshilik shyǵyn edáýir. Jeke tulǵalardyń múlik jáne jer salyǵyn biriktirý usynylýda. Bul rette kóppáterli turǵyn úi ieleriniń jer salyǵy alynyp tastalady», - delingen ministrlik dereginde.
Sonymen qatar, kólik salyǵyn tóleý merzimin ózgertý de kózdelip otyr.
«Qazir salyqty jyl sońyna deiin tóleý qajet. 2020 jyldan bastap salyqty kelesi jylǵy 1 sáýirge deiin tóleý josparlanyp otyr. Bul avtomobil ieleri úshin qolaily. Júrgizilip jatqan jumystardyń negizgi maqsaty - adal salyq tóleýshiniń múddesin qorǵaý», - dep atap ótt vedomstvodan.
