Memlekettik kirister organdary 2017 jyly - 6 mln 400 myń litr, 2018 jyly - 3 mln 700 myń litr, 2019 jyly - 6 mln 100 myń litr, biylǵy jyldyń 9 aiynda - 320,2 myń litr zańsyz alkogol ónimin tárkiledi. Bul jaiynda Memleketti kirister komiteti habarlaidy.
Bul rette alkogol naryǵyna qatysýshylar alkogol ónimderin retteý salasyndaǵy zańnamanyń normalaryn buzǵany anyqtalǵan bolatyn (alkogol ónimderin ruqsat qujatynsyz jáne ilespe júkqujatsyz, bekitilgen baqylaý markasyz satý).
Zańsyz alkogol ónimderdiń 23,6% shekaradan ótý kezinde jáne 76,4% alkogol ónimderin satý obektilerinde anyqtaldy.
Sonymen birge, Qyrǵyzstanmen shekarada 23,8 myń litr mólsherindegi etil spirti jáne 14,5 myń litr araq ákelýdiń joly kesildi.
Qarjy monitoringi komitetiniń ekonomikalyq tergeý qyzmeti usynǵan aqparatqa sáikes, Qazaqstan aýmaǵynda zańsyz alkogol ónimderin shyǵaratyn 25 tseh taratyldy: Almaty qalasy – 11, Almaty oblysy – 4, Shymkent qalasy - 3, Túrkistan oblysy – 2, Aqtóbe, Qostanai, Shyǵys Qazaqstan, Pavlodar jáne Jambyl oblystarynda – 1.
