Qazaqstanda qolaisyz aýa raiyna bailanysty 30 adam qaýipsiz jerge kóshirildi, dep habarlaidy "Ult aqparat" QR IIM TJK-ne silteme jasap.
Tótenshe jaǵdailar komitetiniń resmi ókili Rýslan Imanqulovtyń aitýynsha, qarly boran respýblika joldaryndaǵy qozǵalysty aitarlyqtai qiyndatqan. Mundai aýa raiy dárigerler men qutqarýshylarǵa túsetin aýyrtpalyqty da eselei túsken. Meditsinalyq kómek surap júgingenderdiń sany kúrt artty.
«Ótken táýlikterde Apattar meditsinasy ortalyǵy filialdarynyń shuǵyl áreket etetin brigadalary 30 jábirlenýshini qaýipsiz jerge kóshirdi, sonyń 5-eýi bala, al úsh adam aýrýhanaǵa jatqyzyldy», - deidi R. Imanqulov.
Atap aitqanda, jedel qyzmetke Arshaly kúre jolynyń 42-razezinde kúzet beketinde bir adam úsip qalǵany týraly habar kelgen. Shuǵyl jetken brigada ony jyly jerge kóshirgen.
Astana-Qaraǵandy kúre jolyndaǵy Qyzylsýat aýylynan 9 adam, sonyń ishinde 5 bala, bir júkti áiel qaýipsiz jerge kóshirildi. Segizi týystarynyń úiine jetkizilse, júkti áiel №1 perinataldyq ortalyqqa jatqyzyldy.
