1 naýryz ben 15 mamyr aralyǵynda Qazaqstanda kóktemgi ań aýlaý maýsymy ashyldy, dep habarlaidy "Ult aqparat" QR Ekologiia, geologiia jáne tabiǵi resýrstar ministrliginiń Telegram kanalyna silteme jasap.
Kóktemde tiisti ańshylyq sharýashylyǵy sýbektisi qoryqshysynyń baqylaýymen qońyr aiý, úirek, qara torǵai jáne tizimde kórsetilgen basqa da janýarlardy aýlaýǵa ruqsat etiledi.
Aita keteiik, QR Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar dúniesi komiteti QR Aýyl sharýashylyǵy ministriniń m.a. buiryǵymen bekitilgen ań aýlaý qaǵidalarynyń 19-tarmaǵy negizinde ań aýlaý maýsymynyń bastalýy týraly buiryq shyǵarady.
Kóktemgi ań aýlaý erejelerine sáikes, úirekti aýlaýǵa tek ańshyda jasandy úirek nemese tulyby bolǵan jaǵdaida ǵana ruqsat etiledi. Al áýesqoi (sporttyq) ań aýlaý tek bekitilgen ańshylyq alqaptarynda ǵana ruqsat etiledi. Sondai-aq, bul bekitilgen ańshylyq alqaptarǵa barýǵa joldama qajet.
Eger janýarlar dúniesin paidalaný talaptary men ań aýlaý qaǵidalary buzylǵan jaǵdaida, QR Ákimshilik quqyq buzýshylyq týraly kodeksiniń 382-babyna sáikes jeke tulǵalarǵa 70 AEK mólsherinde aiyppul salý ne ákimshilik quqyq buzýshylyq quraldary tárkilenip, eki jylǵa deiingi merzimge ań aýlaý quqyǵynan aiyrý túrindegi eń joǵarǵy jaza kózdelgen.
