1 ناۋرىز بەن 15 مامىر ارالىعىندا قازاقستاندا كٶكتەمگٸ اڭ اۋلاۋ ماۋسىمى اشىلدى, دەپ حابارلايدى "ۇلت اقپارات" قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ Telegram كانالىنا سٸلتەمە جاساپ.
كٶكتەمدە تيٸستٸ اڭشىلىق شارۋاشىلىعى سۋبەكتٸسٸ قورىقشىسىنىڭ باقىلاۋىمەن قوڭىر ايۋ, ٷيرەك, قارا تورعاي جەنە تٸزٸمدە كٶرسەتٸلگەن باسقا دا جانۋارلاردى اۋلاۋعا رۇقسات ەتٸلەدٸ.
ايتا كەتەيٸك, قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ورمان شارۋاشىلىعى جەنە جانۋارلار دٷنيەسٸ كوميتەتٸ قر اۋىل شارۋاشىلىعى مينيسترٸنٸڭ م.ا. بۇيرىعىمەن بەكٸتٸلگەن اڭ اۋلاۋ قاعيدالارىنىڭ 19-تارماعى نەگٸزٸندە اڭ اۋلاۋ ماۋسىمىنىڭ باستالۋى تۋرالى بۇيرىق شىعارادى.
كٶكتەمگٸ اڭ اۋلاۋ ەرەجەلەرٸنە سەيكەس, ٷيرەكتٸ اۋلاۋعا تەك اڭشىدا جاساندى ٷيرەك نەمەسە تۇلىبى بولعان جاعدايدا عانا رۇقسات ەتٸلەدٸ. ال ەۋەسقوي (سپورتتىق) اڭ اۋلاۋ تەك بەكٸتٸلگەن اڭشىلىق القاپتارىندا عانا رۇقسات ەتٸلەدٸ. سونداي-اق, بۇل بەكٸتٸلگەن اڭشىلىق القاپتارعا بارۋعا جولداما قاجەت.
ەگەر جانۋارلار دٷنيەسٸن پايدالانۋ تالاپتارى مەن اڭ اۋلاۋ قاعيدالارى بۇزىلعان جاعدايدا, قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 382-بابىنا سەيكەس جەكە تۇلعالارعا 70 اەك مٶلشەرٸندە ايىپپۇل سالۋ نە ەكٸمشٸلٸك قۇقىق بۇزۋشىلىق قۇرالدارى تەركٸلەنٸپ, ەكٸ جىلعا دەيٸنگٸ مەرزٸمگە اڭ اۋلاۋ قۇقىعىنان ايىرۋ تٷرٸندەگٸ ەڭ جوعارعى جازا كٶزدەلگەن.
