Qazaqstan halyq Assambleiasy jastar uiymdaryn damytý jónindegi jumys jospary ázirlenip jatyr. Bul jaiynda QR Aqparat jáne qoǵamdyq damý ministrliginiń Etnosaralyq qatynastardy damytý komiteti tóraǵasynyń orynbasary Erkin Úisimbaev aitty, dep habarlaidy QazAqparat.
«Ózderińizge de belgili, ótken jyldan ministrligimiz QHA qyzmetin jáne onyń qurylymdaryn qaita pishimdeý júrgizip jatyr. Osyǵan orai ministrlik Qazaqstan halqy Assambleiasynyń respýblikalyq jáne óńirlik qoǵamdyq qurylymdarymen «Qoǵamdyq kelisim» RMK men KMK jumysynyń biryńǵai tujyrymdamasyn ázirledi», - dedi ol QHA depýtattyq tobynyń Assambleianyń «Jańǵyrý joly» respýblikalyq jastar qozǵalysy múshelerimen kezdesýi barysynda.
Onyń atap ótýinshe, atalǵan tujyrymdamada Assambleianyń barlyq qurylymynyń jumys tártibi, qyzmettik basymdyqtary men jumysyndaǵy negizgi baǵyttar aiqyndalǵan. Bul qujat taiaý ýaqytta QHA saitynda jurtshylyqqa qoljetimdi bolady.
«Belsendi ári ideialy jastar áleýetiniń zor resýrsy, óńirlerde kóp ókili bar «Jańǵyrý joly» respýblikalyq jastar qozǵalysynyń qyzmetin QHA-nyń qurylymdyq bólimshesi retinde bóle qarap, derbes baǵyt belgilep otyrmyz. Qazirgi ýaqytta ministrlik «Jarasym» respýblikalyq jastar uiymymen birlesip, QHA jastar uiymyn damytý jónindegi jumys josparyn ázirlep jatyr», - dedi Erkin Úisimbaev.
.jpeg)