Qazaqstanda hoýmskýling engizý qajet pe? Bul suraqtyń jaýaby – otandyq depýtattar «otbasylyq oqytýdy» zańmen bekitýdi usynyp júr. Osy oraida «Ult» portaly hoýmskýlingtiń paidaly tustary men keri áserin zerdelep kórdi.
Qazaqstan Respýblikasy Bilim jáne ǵylym ministri Ashat Aimaǵambetov keibir balalardyń úiine baryp bilim berýde muǵalimder úshin qashyqtan oqytý tiimdi degen pikirde. Ministrdiń aitýynsha, hoýmskýlingtiń klassikalyq túsinigi depýtattardyń jumys tobynda qaralyp jatyr.
«Qashyqtan oqytýdy basqa jaǵdaida qoldanýǵa da bolady. Mysaly, búginde san alýan aýrýlarǵa shaldyqqan balalar bar. Olardyń sany az emes. Qazirgi tártip boiynsha olardy bylai oqytady: ondai bala úide otyrady. Al muǵalim onyń úiine baryp, sabaq ótkizedi. Bizdińshe, osyndai jaǵdaida internet platformalardy qoldanýǵa bolady. Mektepke bara almaityn balalar osy ádispen bilim ala alady», – deidi Aimaǵambetov.
Aita keteiik, «hoýmskýling» sózi aǵylshynnyń «home» jáne «school» sózinen turady. Negizgi maǵynasy – «otbasylyq oqytý». Ondaida oqýshylar óz qalaýymen nemese ata-analardyń sheshimimen mektep baǵdarlamasyn úide meńgeredi. Al mektepte attestatsiiadan ótip, emtihan tapsyrady. Búginde otbasylyq oqytý álemniń 45 memleketinde zańmen bekitilgen. Olardyń ishinde Resei, AQSh pen Eýropa bar.
Al bul ádisti Qazaqstanǵa engizý qanshalyqty tiimdi? Ministrdiń pikirinshe, jyl saiyn qys mezgilinde aýa raiynyń qolaisyzdyǵyna bailanysty oqýshylar mektepke barmai, úide otyrady. Osyndaida qashyqtan oqytý formatyn qoldanýǵa bolady.
«Biyl da ondai jaǵdailar kóp boldy, sabaqty ótkizbeýge týra keldi. Negizi, osy ýaqytta balalar qashyqtan oqi alady. Sinhrondy emes, beisinhrondy formatta bilim berýge bolady. Ondaida taqyryptyq jospar boiynsha tiisti tapsyrmalar oryndalady. Menińshe, osyndai jaǵdailarda qashyqtan bilim berý kerek», – dep atap kórsetti Aimaǵambetov.
Osy oraida, Qazaqstan Respýblikasy Densaýlyq ministrligi qashyqtan oqýdy quptap otyrǵanyn aita keteiik. Bul balalardyń densaýlyǵyn saqtaýmen qatar, bilim alýyna da shekteý bolmaityndyǵyn kórsetpek degen bolatyn Densaýlyq ministri Aleksei Tsoi.
Esterińizge sala keteiik, otandyq depýtattar Qazaqstanda hoýmskýling engizýdi usynyp, kún tártibinde qarap jatyr. Sonymen, «hoýmskýling» sózi aǵylshynnyń «home» jáne «school» sózinen turady. Negizgi maǵynasy – «otbasylyq oqytý». Búginde otbasylyq oqytý álemniń 45 memleketinde zańmen bekitilgen. Olardyń ishinde Resei, AQSh pen Eýropa bar.
