Qazaqstannyń densaýlyq saqtaý ministrligi pedofilderdi himiialyq kastratsiiaǵa qai óńirlerden suranym túskeni týraly málimet berdi, dep habarlaidy Sputnik.
Alǵashqy himiialyq kastratsiia Túrkistan oblysynyń turǵynyna jasalady.
"Ázirshe basqa óńirlerden suranym túsken joq", — delingen densaýlyq saqtaý ministrliginiń jaýabynda.
Himiialyq kastratsiia degenimiz ne?
Himiialyq kastratsiia – jynystyq qumartýdy tómendetetin antiandrogendik preparatty aǵzaǵa engizý. Ony sot sheshiminiń negizinde meditsinalyq mekeme júrgizedi.
"Meditsinalyq mekemede preparatty engizýdi medbike ǵana júrgizse, túrmede post baqylaýshysy da qatysady", — dep túsindirdi densaýlyq saqtaý ministrligi.
Himiialyq kastratsiia bir ret qana júrgizile me?
Himiialyq kastratsiia kezinde adamnyń densaýlyǵy únemi baqylaýda bolyp ári psihoterapiialyq járdem kórsetiledi.
Zerthanalyq tekserý jarty jylda bir ret júrgizilip, aǵzadaǵy gormon deńgeii anyqtalady.
Himiialyq kastratsiiany ári qarai jalǵastyrý nemese toqtatý sheshimin qabyldaý úshin komissiialyq tekserý júrgizilýi tiis.
Himiialyq kastratsiiaǵa qandai preparat qoldanylady?
Qazaqstanda himiialyq kastratsiiany júrgizý úshin "Androkýr-depo" ("Tsiproteron") antiandrogendik preparaty paidalanylady.
