On bes elde jumys isteitin DiDi qyzmeti 4 naýryzdan bastap Qazaqstan men Reseide jumysyn toqtatady, dep habarlady Sputnik Qazaqstan.
"Biz óz missiiamyz - jolaýshylar men seriktesterimizdiń kúndelikti ómirin yńǵaily etip, eń jaqsy qyzmet usyný dep esepteimiz. Ókinishtisi, biz muny Qazaqstanda budan bylai jalǵastyra almaimyz. Munda DiDi 2022 jyldyń 4 naýryzynan bastap jumysyn toqtatady", - delingen kompaniianyń resmi málimdemesinde.
Olar iske qosylǵan sátten bastap ózderin qoldaǵan barlyq júrgizýshi men jolaýshyǵa alǵys bildirdi.
"4 naýryzǵa deiin ádettegidei DiDi qyzmetine júgine alasyz", - dep tolyqtyrdy kompaniia.
2021 jyldyń jeltoqsanynda Uber Qytaidaǵy "ashyq emes naryq" saldarynan DiDi-degi úlesin satatyny týraly habarlady. Kompaniiaǵa 12,8%-i tiesili.
DiDi - taksi, karshering jáne raidshering qyzmetterin usynatyn Qytai konglomeraty.
Kompaniia 2012 jyldan bastap jumys isteidi. Qazaqstanda shamamen bir jyl buryn paida bolǵan edi.
