ون بەس ەلدە جۇمىس ٸستەيتٸن DiDi قىزمەتٸ 4 ناۋرىزدان باستاپ قازاقستان مەن رەسەيدە جۇمىسىن توقتاتادى, دەپ حابارلادى Sputnik قازاقستان.
"بٸز ٶز ميسسييامىز - جولاۋشىلار مەن سەرٸكتەستەرٸمٸزدٸڭ كٷندەلٸكتٸ ٶمٸرٸن ىڭعايلى ەتٸپ, ەڭ جاقسى قىزمەت ۇسىنۋ دەپ ەسەپتەيمٸز. ٶكٸنٸشتٸسٸ, بٸز مۇنى قازاقستاندا بۇدان بىلاي جالعاستىرا المايمىز. مۇندا DiDi 2022 جىلدىڭ 4 ناۋرىزىنان باستاپ جۇمىسىن توقتاتادى", - دەلٸنگەن كومپانييانىڭ رەسمي مەلٸمدەمەسٸندە.
ولار ٸسكە قوسىلعان سەتتەن باستاپ ٶزدەرٸن قولداعان بارلىق جٷرگٸزۋشٸ مەن جولاۋشىعا العىس بٸلدٸردٸ.
"4 ناۋرىزعا دەيٸن ەدەتتەگٸدەي DiDi قىزمەتٸنە جٷگٸنە الاسىز", - دەپ تولىقتىردى كومپانييا.
2021 جىلدىڭ جەلتوقسانىندا Uber قىتايداعى "اشىق ەمەس نارىق" سالدارىنان DiDi-دەگٸ ٷلەسٸن ساتاتىنى تۋرالى حابارلادى. كومپانيياعا 12,8%-ٸ تيەسٸلٸ.
DiDi - تاكسي, كارشەرينگ جەنە رايدشەرينگ قىزمەتتەرٸن ۇسىناتىن قىتاي كونگلومەراتى.
كومپانييا 2012 جىلدان باستاپ جۇمىس ٸستەيدٸ. قازاقستاندا شامامەن بٸر جىل بۇرىن پايدا بولعان ەدٸ.
