2017 jyldyń 1 tamyzynda elimizdegi halyq sany 18 054 myń adamǵa jetti, dep habarlaidy QR Ulttyq ekonomika ministrliginiń baspasóz qyzmeti.
«Onyń ishinde qalalyqtar - 10 351,7 myń (57,3%), aýyl turǵyndary- 7 702,3 myń adamdy (42,7%) qurady. 2016 jylǵy 1 tamyzben salystyrǵanda halyq sany 235,4 myń adamǵa nemese 1,32% ósken», - delingen habarlamada.
AHAT organdary usynǵan azamattyq hal aktileri jazbalaryndaǵy málimetterdi óńdeý nátijesinde, 2017 jylǵy qańtar-shildede 222,8 myń sábi dúniege kelgen. Bul 2016 jylǵy qańtar-shildege qaraǵanda 6,5% az. Týýdyń jalpy koeffitsienti 1 000 adamǵa shaqqanda 21,27.
2017 jylǵy qańtar-shildede respýblika halqynyń tabiǵi ósimi 2016 jylǵy qańtar-shildemen salystyrǵanda 15,3 myń adamǵa nemese 9,5% kemip, 145,5 myń adamdy qurady. Tabiǵi ósimniń jalpy koeffitsienti 1000 adamǵa shaqqanda 13,89 adamdy qurady.
Atalmysh kezeńde sany 77,3 myń adam qaitys bolǵan, bul 2016 jylǵy qańtar-shildege qaraǵanda 0,4% az.
Kóshi-qon qyzmeti organdary usynǵan málimetterdi óńdeý nátijesinde, 2017 jylǵy qańtar-shildede elimizge turǵylyqty turýǵa kelgenderdiń tirkelý sany 2016 jylǵy qańtar-shildemen salystyrǵanda 39,1% kóbeiip, 9 711 adamdy qurady. Elimizden ketken kóship-qonýshylardyń tirkelý sany 2,3% kóbeiip, 19 407 adamdy qurady, kóshi-qonnyń aiyrymy - 9 696 adam boldy.
.jpeg)