2017 جىلدىڭ 1 تامىزىندا ەلٸمٸزدەگٸ حالىق سانى 18 054 مىڭ ادامعا جەتتٸ, دەپ حابارلايدى قر ۇلتتىق ەكونوميكا مينيسترلٸگٸنٸڭ باسپاسٶز قىزمەتٸ.
«ونىڭ ٸشٸندە قالالىقتار - 10 351,7 مىڭ (57,3%), اۋىل تۇرعىندارى- 7 702,3 مىڭ ادامدى (42,7%) قۇرادى. 2016 جىلعى 1 تامىزبەن سالىستىرعاندا حالىق سانى 235,4 مىڭ ادامعا نەمەسە 1,32% ٶسكەن», - دەلٸنگەن حابارلامادا.
احات ورگاندارى ۇسىنعان ازاماتتىق حال اكتٸلەرٸ جازبالارىنداعى مەلٸمەتتەردٸ ٶڭدەۋ نەتيجەسٸندە, 2017 جىلعى قاڭتار-شٸلدەدە 222,8 مىڭ سەبي دٷنيەگە كەلگەن. بۇل 2016 جىلعى قاڭتار-شٸلدەگە قاراعاندا 6,5% از. تۋۋدىڭ جالپى كوەففيتسيەنتٸ 1 000 ادامعا شاققاندا 21,27.
2017 جىلعى قاڭتار-شٸلدەدە رەسپۋبليكا حالقىنىڭ تابيعي ٶسٸمٸ 2016 جىلعى قاڭتار-شٸلدەمەن سالىستىرعاندا 15,3 مىڭ ادامعا نەمەسە 9,5% كەمٸپ, 145,5 مىڭ ادامدى قۇرادى. تابيعي ٶسٸمنٸڭ جالپى كوەففيتسيەنتٸ 1000 ادامعا شاققاندا 13,89 ادامدى قۇرادى.
اتالمىش كەزەڭدە سانى 77,3 مىڭ ادام قايتىس بولعان, بۇل 2016 جىلعى قاڭتار-شٸلدەگە قاراعاندا 0,4% از.
كٶشٸ-قون قىزمەتٸ ورگاندارى ۇسىنعان مەلٸمەتتەردٸ ٶڭدەۋ نەتيجەسٸندە, 2017 جىلعى قاڭتار-شٸلدەدە ەلٸمٸزگە تۇرعىلىقتى تۇرۋعا كەلگەندەردٸڭ تٸركەلۋ سانى 2016 جىلعى قاڭتار-شٸلدەمەن سالىستىرعاندا 39,1% كٶبەيٸپ, 9 711 ادامدى قۇرادى. ەلٸمٸزدەن كەتكەن كٶشٸپ-قونۋشىلاردىڭ تٸركەلۋ سانى 2,3% كٶبەيٸپ, 19 407 ادامدى قۇرادى, كٶشٸ-قوننىڭ ايىرىمى - 9 696 ادام بولدى.
.jpeg)