2018 jyldyń 1 qazanynda Qazaqstanda halyq sany 18 mln 334,3 adam boldy. Bul ótken jyldyń 1 qazanymen salystyrǵanda 237,4 myń adamǵa kóp nemese 1,3 paiyz ósken, dep habarlaidy "Ult aqparat" QR Ulttyq ekonomika ministrliginiń Statistika agenttigine silteme jasap.
2018 jylǵy qańtar-qyrkúiekte respýblikada 1 jasqa deiingi 2 354 náreste ólimi tirkeldi. 2017 jylǵy qańtar-qyrkúiegimen salystyrǵanda 1 jasqa deiingi shetinegen náreste sany 1,3 paiyzǵa kóp.
Náreste ólim-jitiminiń negizgi sebebi - perinataldyq kezeńde paida bolatyn jaǵdailar, budan 2018 jylǵy qańtar-qyrkúieginde 1 206 náreste qaitys bolyp, náresteler arasyndaǵy jalpy ólim sanynyń 51,2 paiyzyn qurady. Týa bitken aýytqýlardan 465 nemese 19,8%, tynys organdary aýrýlarynan - 152 nemese 6,5%, jazataiym jaǵdaidan, ýlanýdan jáne jaraqattan - 108 nemese 4,6% náreste qaitys boldy.
2018 jyldyń qańtar-qyrkúiek ailary aralyǵynda elimizge kóship kelgender sany 2017 jylǵy kórsetkishten 21,8 paiyz azaiyp, qonys aýdarǵandar sany 12,2 paiyzdy qurady. Negizgi migratsiialyq kóshi-qon TMD elderi boiynsha ótip jatyr. TMD elderinen kelgen adamdar úlesi 78,2 paiyz, kóship ketkender úlesi - 90,8 paiyz boldy.
