2018 جىلدىڭ 1 قازانىندا قازاقستاندا حالىق سانى 18 ملن 334,3 ادام بولدى. بۇل ٶتكەن جىلدىڭ 1 قازانىمەن سالىستىرعاندا 237,4 مىڭ ادامعا كٶپ نەمەسە 1,3 پايىز ٶسكەن, دەپ حابارلايدى "ۇلت اقپارات" قر ۇلتتىق ەكونوميكا مينيسترلٸگٸنٸڭ ستاتيستيكا اگەنتتٸگٸنە سٸلتەمە جاساپ.
2018 جىلعى قاڭتار-قىركٷيەكتە رەسپۋبليكادا 1 جاسقا دەيٸنگٸ 2 354 نەرەستە ٶلٸمٸ تٸركەلدٸ. 2017 جىلعى قاڭتار-قىركٷيەگٸمەن سالىستىرعاندا 1 جاسقا دەيٸنگٸ شەتٸنەگەن نەرەستە سانى 1,3 پايىزعا كٶپ.
نەرەستە ٶلٸم-جٸتٸمٸنٸڭ نەگٸزگٸ سەبەبٸ - پەريناتالدىق كەزەڭدە پايدا بولاتىن جاعدايلار, بۇدان 2018 جىلعى قاڭتار-قىركٷيەگٸندە 1 206 نەرەستە قايتىس بولىپ, نەرەستەلەر اراسىنداعى جالپى ٶلٸم سانىنىڭ 51,2 پايىزىن قۇرادى. تۋا بٸتكەن اۋىتقۋلاردان 465 نەمەسە 19,8%, تىنىس ورگاندارى اۋرۋلارىنان - 152 نەمەسە 6,5%, جازاتايىم جاعدايدان, ۋلانۋدان جەنە جاراقاتتان - 108 نەمەسە 4,6% نەرەستە قايتىس بولدى.
2018 جىلدىڭ قاڭتار-قىركٷيەك ايلارى ارالىعىندا ەلٸمٸزگە كٶشٸپ كەلگەندەر سانى 2017 جىلعى كٶرسەتكٸشتەن 21,8 پايىز ازايىپ, قونىس اۋدارعاندار سانى 12,2 پايىزدى قۇرادى. نەگٸزگٸ ميگراتسييالىق كٶشٸ-قون تمد ەلدەرٸ بويىنشا ٶتٸپ جاتىر. تمد ەلدەرٸنەن كەلگەن ادامدار ٷلەسٸ 78,2 پايىز, كٶشٸپ كەتكەندەر ٷلەسٸ - 90,8 پايىز بولدى.
