Qazaqstanda halyq sany 18 833,1 myń adamǵa jetti. Mundai derekti Ulttyq ekonomika ministrliginiń statistika komiteti jariialady, dep habarlaidy "Ult aqparat".
2020 jylǵy 1 qarashada elimizde halyq sany 18 833,1 myń boldy.
«Onyń ishinde qalalyqtar – 11 109,8 myń (59%), aýyldyqtar – 7 723,3 myń adam (41%). Erlerdiń sany 9 136,8 myńǵa jetse, áiel sany kóbirek - 9 696,3 myń» delingen taratylǵan aqparatta.
Komitet málimetinshe, 2019 jylǵy 1 qarashamen salystyrǵanda halyq sany 240,4 myńǵa nemese 1,3 paiyzǵa ósken.
Qarastyrylyp otyrǵan kezeńde eń úlken ósim elimizdiń 3 óńirinde tirkeldi.
Olar - Almaty (64,8 myń adam), Nur-Sultan (48,9 myń adam) jáne Shymkent qalalary (36,4 myń adam).
