Foto: Gov.kz
QR kólik vitse-ministri Maqsat Qaliaqparov Úkimet otyrysynyń qorytyndysy boiynsha ótken baspasóz máslihatynda vedomstvonyń kólik-tranzittik dálizderdi odan ári damytý jónindegi josparlary týraly aitty, dep habarlaidy Ult.kz.
Onyń aitýynsha, ótkizý pýnktterinde tasymaldaýshylarǵa yńǵaily bolý úshin tranzittik júkterdi kedendik resimdeýde «jasyl» dáliz engizý josparlanýda, bul rásimderdi aitarlyqtai jeńildetýge múmkindik beredi. Osy jumys aiasynda barlyq ótkizý pýnktteri jańǵyrtýdan ótýde.
«Avtojoldardy salý boiynsha baǵyttardy anyqtaýǵa keletin bolsaq, búginde biz tranzittik tasymaldardyń aitarlyqtai óskenin baiqaimyz. Jyl saiyn orta eseppen 30-35%-ǵa artyp otyr. Osy qarqyndy úzdiksiz jalǵastyrý maqsatynda 2030, 2035 jáne 2040 jyldarǵa deiin kezeń-kezeńimen eseptelgen keń aýqymdaǵy avtojol strategiiasyn ázirleýdemiz. Qazir birinshi kezekte damytý qajet eń perspektivaly kólik-tranzittik baǵdarlardy anyqtaý úshin jumystar júrgizilýde.
Bizdiń tranzittik múmkindikterimizdi júzege asyratyn kólik qańqasy qalyptastyrylmaq. Jumys halyqaralyq konsýltanttyń qatysýymen júrgizilýde. Tolyq bekitilgen soń qujat kópshilik nazaryna usynylady», — dep atap ótti Maqsat Qaliaqparov.
Onyń aitýynsha, qoldanystaǵy avtojoldar tranzittik tasymaldardyń qajettilikterin tolyǵymen jaba alady, alaida bul jumystar keleshekte qajet bolyp qalatyny eskerilip júrgizilýde.
Atap aitqanda, Transkaspii halyqaralyq kólik baǵyty boiynda avtojol salý josparlanýda. Qazir onyń tehnikalyq-ekonomikalyq negizdemesi ázirlenýde. Sondai-aq ótkizý qabiletin arttyra túsý úshin «Batys Eýropa – Batys Qytai» kólik dálizin keńeitý kózdelgen. Joba kórshiles memlekettermen olardyń aýmaǵyndaǵy «tar tustardy» boldyrmaý úshin úilestire júzege asyrylady. Barlyq jumys biryńǵai strategiialyq tásil sheńberinde júrgizilmek.
