فوتو: Gov.kz
قر كٶلٸك ۆيتسە-مينيسترٸ ماقسات قالياقپاروۆ ٷكٸمەت وتىرىسىنىڭ قورىتىندىسى بويىنشا ٶتكەن باسپاسٶز مەسليحاتىندا ۆەدومستۆونىڭ كٶلٸك-ترانزيتتٸك دەلٸزدەردٸ ودان ەرٸ دامىتۋ جٶنٸندەگٸ جوسپارلارى تۋرالى ايتتى, دەپ حابارلايدى Ult.kz.
ونىڭ ايتۋىنشا, ٶتكٸزۋ پۋنكتتەرٸندە تاسىمالداۋشىلارعا ىڭعايلى بولۋ ٷشٸن ترانزيتتٸك جٷكتەردٸ كەدەندٸك رەسٸمدەۋدە «جاسىل» دەلٸز ەنگٸزۋ جوسپارلانۋدا, بۇل رەسٸمدەردٸ ايتارلىقتاي جەڭٸلدەتۋگە مٷمكٸندٸك بەرەدٸ. وسى جۇمىس اياسىندا بارلىق ٶتكٸزۋ پۋنكتتەرٸ جاڭعىرتۋدان ٶتۋدە.
«اۆتوجولداردى سالۋ بويىنشا باعىتتاردى انىقتاۋعا كەلەتٸن بولساق, بٷگٸندە بٸز ترانزيتتٸك تاسىمالداردىڭ ايتارلىقتاي ٶسكەنٸن بايقايمىز. جىل سايىن ورتا ەسەپپەن 30-35%-عا ارتىپ وتىر. وسى قارقىندى ٷزدٸكسٸز جالعاستىرۋ ماقساتىندا 2030, 2035 جەنە 2040 جىلدارعا دەيٸن كەزەڭ-كەزەڭٸمەن ەسەپتەلگەن كەڭ اۋقىمداعى اۆتوجول ستراتەگيياسىن ەزٸرلەۋدەمٸز. قازٸر بٸرٸنشٸ كەزەكتە دامىتۋ قاجەت ەڭ پەرسپەكتيۆالى كٶلٸك-ترانزيتتٸك باعدارلاردى انىقتاۋ ٷشٸن جۇمىستار جٷرگٸزٸلۋدە.
بٸزدٸڭ ترانزيتتٸك مٷمكٸندٸكتەرٸمٸزدٸ جٷزەگە اسىراتىن كٶلٸك قاڭقاسى قالىپتاستىرىلماق. جۇمىس حالىقارالىق كونسۋلتانتتىڭ قاتىسۋىمەن جٷرگٸزٸلۋدە. تولىق بەكٸتٸلگەن سوڭ قۇجات كٶپشٸلٸك نازارىنا ۇسىنىلادى», — دەپ اتاپ ٶتتٸ ماقسات قالياقپاروۆ.
ونىڭ ايتۋىنشا, قولدانىستاعى اۆتوجولدار ترانزيتتٸك تاسىمالداردىڭ قاجەتتٸلٸكتەرٸن تولىعىمەن جابا الادى, الايدا بۇل جۇمىستار كەلەشەكتە قاجەت بولىپ قالاتىنى ەسكەرٸلٸپ جٷرگٸزٸلۋدە.
اتاپ ايتقاندا, ترانسكاسپيي حالىقارالىق كٶلٸك باعىتى بويىندا اۆتوجول سالۋ جوسپارلانۋدا. قازٸر ونىڭ تەحنيكالىق-ەكونوميكالىق نەگٸزدەمەسٸ ەزٸرلەنۋدە. سونداي-اق ٶتكٸزۋ قابٸلەتٸن ارتتىرا تٷسۋ ٷشٸن «باتىس ەۋروپا – باتىس قىتاي» كٶلٸك دەلٸزٸن كەڭەيتۋ كٶزدەلگەن. جوبا كٶرشٸلەس مەملەكەتتەرمەن ولاردىڭ اۋماعىنداعى «تار تۇستاردى» بولدىرماۋ ٷشٸن ٷيلەستٸرە جٷزەگە اسىرىلادى. بارلىق جۇمىس بٸرىڭعاي ستراتەگييالىق تەسٸل شەڭبەرٸندە جٷرگٸزٸلمەك.
