Qazaqstanda kedeishilik 13 esege tómendetildi. Bul týraly Global Challenges Summit 2018 forýmynda Qazaqstan Prezidenti Nursultan Nazarbaev málim etti, dep habarlaidy QazAqparat tilshisi.
«Qazaqstan belsendi áleýmettik saiasatty júzege asyrýda. Bul baǵytta kedeishilik 13 esege tómendetildi, iaǵni 40 paiyzdan 3 paiyzǵa deiin. Jumyssyzdyq deńgeii 5 paiyzdan tómen», - dedi Prezident.
Sonymen qatar Memleket basshysy biyl Qazaqstanda Bes jańa áleýmettik bastamany júzege asyrý jumystary qolǵa alynǵanyn eske salyp ótti.
«Bul bastamalar qoljetimdi baspanamen, sapaly joǵary bilimmen qamtamasyz etýge, shaǵyn jáne orta biznesti qoldaýǵa, salyq salýdaǵy ádildikke, qorshaǵan ortany jaqsartýǵa baǵyttalǵan. Osy qadamdar el turǵyndarynyń ál-aýqatyn turaqty damytýǵa ári jaqsartýǵa yqpal etedi», - dedi Elbasy.
