2018 jyldyń qazan aiynda Qazaqstanda infliatsiia ótken aimen salystyrǵanda 0,4 paiyzdy, 2017 jyldyń jeltoqsanymen salystyrǵanda 3,7 paiyzdy quraǵan, dep habarlaidy "Ult aqparat" QR UEM Statistika komitetine silteme jasap.
Ótken aida azyq-túlik taýarlarynyń baǵasy 0,3% paiyzǵa, taǵamdyq emes taýarlar quny - 0,7 paiyzǵa, turǵyndar úshin aqyly qyzmetter 0,2 paiyzǵa qymbattaǵan.
Osy jyldyń 1 qarashasyndaǵy jaǵdai boiynsha, jyl basynan beri azyq-túlik taýarlarynyń quny 2,6 paiyz, taǵamdyq emes taýarlar 5,1 paiyz, aqyly qyzmetter - 3,5 paiyzǵa qymbattady.
Jyl basynan beri qanttyń baǵasy - 20,9%, máiektegi irimshik - 10,6%, konservilengen sút - 9,4%, jylqy eti - 9,4%, sary mai - 7,4%, shoshqa eti, shujyqtar - 5,8%, siyr eti - 5,3%, qoi eti - 5,1% kóterilgen.
Sarymsaq - 37,2%, tátti burysh - 36,1%, kartop - 28%, sábiz - 24,1%, qaraqumyq - 21,2%, sábiz - 14,8% arzandaǵany baiqaldy.
Avtomobilder, qurylys materialdarynyń quny 6,3%, kiim-keshek pen aiaq-kiim - 6,1%, farmatsevtikalyq ónimder - 6%, turmystyq qural-jabdyqtar - 5,9%, keńse taýarlary - 5,7% artqan.
Dizeldik otyn 20%, tas kómir 6,8%, ballondardaǵy syǵylǵan gaz 6% qymbbattasa, benzin 2,7% arzandady.
Kabeldik televidenie qyzmet kórsetý baǵasy 11,4%, quqyqtyq qyzmet kórsetý, kólikterdi saqtandyrý - 6%, meditsinalyq qyzmetter - 5,5% joǵarylaǵan. Áýe kólikterin paidalaný quny 13,7%, temirjol kóligi - 8,1%, qalaralyq avtobýstar - 6,3%, qalaishilik avtobýstar - 3,1% qymbattaǵan.
