2018 جىلدىڭ قازان ايىندا قازاقستاندا ينفلياتسييا ٶتكەن ايمەن سالىستىرعاندا 0,4 پايىزدى, 2017 جىلدىڭ جەلتوقسانىمەن سالىستىرعاندا 3,7 پايىزدى قۇراعان, دەپ حابارلايدى "ۇلت اقپارات" قر ۇەم ستاتيستيكا كوميتەتٸنە سٸلتەمە جاساپ.
ٶتكەن ايدا ازىق-تٷلٸك تاۋارلارىنىڭ باعاسى 0,3% پايىزعا, تاعامدىق ەمەس تاۋارلار قۇنى - 0,7 پايىزعا, تۇرعىندار ٷشٸن اقىلى قىزمەتتەر 0,2 پايىزعا قىمباتتاعان.
وسى جىلدىڭ 1 قاراشاسىنداعى جاعداي بويىنشا, جىل باسىنان بەرٸ ازىق-تٷلٸك تاۋارلارىنىڭ قۇنى 2,6 پايىز, تاعامدىق ەمەس تاۋارلار 5,1 پايىز, اقىلى قىزمەتتەر - 3,5 پايىزعا قىمباتتادى.
جىل باسىنان بەرٸ قانتتىڭ باعاسى - 20,9%, مەيەكتەگٸ ٸرٸمشٸك - 10,6%, كونسەرۆٸلەنگەن سٷت - 9,4%, جىلقى ەتٸ - 9,4%, سارى ماي - 7,4%, شوشقا ەتٸ, شۇجىقتار - 5,8%, سيىر ەتٸ - 5,3%, قوي ەتٸ - 5,1% كٶتەرٸلگەن.
سارىمساق - 37,2%, تەتتٸ بۇرىش - 36,1%, كارتوپ - 28%, سەبٸز - 24,1%, قاراقۇمىق - 21,2%, سەبٸز - 14,8% ارزانداعانى بايقالدى.
اۆتوموبيلدەر, قۇرىلىس ماتەريالدارىنىڭ قۇنى 6,3%, كيٸم-كەشەك پەن اياق-كيٸم - 6,1%, فارماتسەۆتيكالىق ٶنٸمدەر - 6%, تۇرمىستىق قۇرال-جابدىقتار - 5,9%, كەڭسە تاۋارلارى - 5,7% ارتقان.
ديزەلدٸك وتىن 20%, تاس كٶمٸر 6,8%, باللوندارداعى سىعىلعان گاز 6% قىمبباتتاسا, بەنزين 2,7% ارزاندادى.
كابەلدٸك تەلەۆيدەنيە قىزمەت كٶرسەتۋ باعاسى 11,4%, قۇقىقتىق قىزمەت كٶرسەتۋ, كٶلٸكتەردٸ ساقتاندىرۋ - 6%, مەديتسينالىق قىزمەتتەر - 5,5% جوعارىلاعان. ەۋە كٶلٸكتەرٸن پايدالانۋ قۇنى 13,7%, تەمٸرجول كٶلٸگٸ - 8,1%, قالارالىق اۆتوبۋستار - 6,3%, قالاٸشٸلٸك اۆتوبۋستار - 3,1% قىمباتتاعان.
